രാജ്യത്തെ ആക്രമണങ്ങളിലും ആള്‍ക്കൂട്ടകൊലപാതകങ്ങളിലും ആശങ്കയറിയിച്ച്‌ പ്രധാനമന്ത്രിക്ക് കത്തെഴുതിയതിന്റെ പേരിൽ പ്രമുഖ വ്യക്തികള്‍ക്കെതിരെ കേസെടുത്ത സംഭവത്തില്‍ പ്രതിഷേധം. പ്രതിഷേധിച്ച്‌ ഓള്‍ ഇന്ത്യാ ലോയേഴ്‌സ് യൂണിയന്‍ സംസ്ഥാന കമ്മിറ്റിയാണ് പ്രതിഷേധവുമായി വന്നിരിക്കുന്നത്. വിഷയത്തില്‍ അഭിഭാഷക സമൂഹത്തിന്റെ ശക്തമായ പ്രതിഷേധം ഉയര്‍ന്നു വരണമെന്ന് . ഓള്‍ ഇന്ത്യാ ലോയേഴ്‌സ് യൂണിയന്‍ കേരളാ സംസ്ഥാന കമ്മിറ്റി അറിയിച്ചു. ഈ വിഷയത്തില്‍ കേരളത്തിലെ 10000 അഭിഭാഷകര്‍ ഒപ്പിട്ട നിവേദനം ഇന്ത്യന്‍ പ്രസിഡന്റിന് സമര്‍പ്പിക്കാനൊരുങ്ങുകയാണ്. ഒക്ടോബര്‍ 9, 10 തീയതികളില്‍ കേരളത്തിലെ എല്ലാ കോര്‍ട്ട് സെന്ററുകളിലും പ്രതിഷേധയോഗങ്ങളും ഒപ്പ് ശേഖരണവും എഐഎല്‍യുവിന്റെ നേതൃത്വത്തില്‍ നടത്തും .

ഇതിനെതിരെ ജനരോഷം ഉയര്‍ന്നിട്ടും വിഷയത്തില്‍ പ്രധാനമന്ത്രി ഇതുവരെ പ്രതികരിക്കാത്തതിനെ അപലപിച്ച്‌ ഓള്‍ ഇന്ത്യാ ലോയേഴ്‌സ് യൂണിയന്‍ അപലപിക്കുയുണ്ടായി. ഈ വിവരം അറിയിച്ച് സംസ്ഥാന സെക്രട്ടറി സിപി പ്രമോദ് പത്രക്കുറിപ്പ് ഇറക്കുകയുണ്ടായി. പ്രമുഖരായ 49 പേര്‍ക്കെതിരെ കേസെടുത്തിരിക്കുകയാണ്. ഇതിനെതിരെ ജനരോഷം ഉയര്‍ന്നു. ഇന്ത്യന്‍ രാഷ്ട്രീയ സാഹചര്യങ്ങളെ കുറിച്ചുള്ള പ്രതിഷേധം അറിയിച്ച്‌ കൊണ്ടുള്ള കത്തെഴുതിയതിന് രാജ്യദ്രോഹം ഉള്‍പ്പെടെയുള്ള വകുപ്പുകള്‍ ചേര്‍ത്തായിരുന്നു കേസെടുത്തത്. ഇതിനെ അവർ എതിർക്കുകയാണ്. മാത്രമല്ല തനിക്ക് കത്തയച്ചതിനെ തുടര്‍ന്നുണ്ടായ പ്രശ്‌നങ്ങളില്‍ പ്രധാനമന്ത്രി മൗനം ദീക്ഷിക്കുന്നതല്ലാതെ നാളിതുവരെ പ്രതികരിച്ചിട്ടില്ലെന്നും ചൂണ്ടിക്കാട്ടി. ഇതിലെല്ലാം പ്രതിഷേധം അറിയിച്ചാണ് 10000 അഭിഭാഷകര്‍ ഒപ്പിട്ട നിവേദനം ഇന്ത്യന്‍ പ്രസിഡന്റിന് സമര്‍പ്പിക്കാൻ പോകുന്നത്.