സംസ്ഥാനത്തെ സ്കൂളുകള്ക്ക് ആസ്ബസ്റ്റോസ് ഷീറ്റ് മേല്ക്കൂര നിരോധിച്ച് സര്ക്കാര് ഉത്തരവ്...
സംസ്ഥാനത്തെ സ്കൂളുകള്ക്ക് ആസ്ബസ്റ്റോസ് ഷീറ്റ് മേല്ക്കൂര നിരോധിച്ച് സര്ക്കാര് ഉത്തരവായി. നിലവില് ആസ്ബസ്റ്റോസ് ഷീറ്റ് മേല്ക്കൂരയുള്ള സ്കൂളുകള് രണ്ട് വര്ഷത്തിനകം അവ നീക്കം ചെയ്ത് പകരം അനുയോജ്യമായ മേല്ക്കൂര സ്ഥാപിക്കണമെന്നും പൊതുവിദ്യാഭ്യാസവകുപ്പിന്റെ ഉത്തരവില് പറയുന്നു. ഹൈക്കോടതി ഉത്തരവിന്റെ അടിസ്ഥാനത്തിലാണ് നടപടി.
ആസ്ബസ്റ്റോസ് ഷീറ്റ് വിദ്യാര്ഥികളില് ആരോഗ്യപ്രശ്നം സൃഷ്ടിക്കുമെന്ന കണ്ടെത്തലിന്റെ അടിസ്ഥാനത്തിലായിരുന്നു കോടതിയുടെ ഇടക്കാല വിധി. സംസ്ഥാനത്തെ മുഴുവന് സ്കൂളുകള്ക്കും ഉത്തരവ് ബാധകമാണ്. എയ്ഡഡ്, അണ്എയ്ഡഡ്, അംഗീകൃത സ്വകാര്യ സ്കൂളുകളില് ബന്ധപ്പെട്ട മാനേജ്മന്റെുകളാണ് മേല്ക്കൂര മാറ്റുന്നതിനുള്ള നടപടികള് സ്വീകരിക്കേണ്ടത്. സര്ക്കാര് സ്കൂളുകളില് വിദ്യാഭ്യാസവകുപ്പുമായി ചേര്ന്ന് ബന്ധപ്പെട്ട തദ്ദേശസ്ഥാപനങ്ങളും നടപടികള് സ്വീകരിക്കണം. ആസ്ബസ്റ്റോസ് ഷീറ്റ് മേഞ്ഞ സ്കൂളുകളുടെ പട്ടിക പൊതുവിദ്യാഭ്യാസ ഡയറക്ടര് തയാറാക്കുകയും ഇവ സമയബന്ധിതമായി മാറ്റിസ്ഥാപിച്ചുവെന്ന് ഉറപ്പാക്കുകയും വേണം. ഇത് സംബന്ധിച്ച് പൊതുവിദ്യാഭ്യാസ ഡയറക്ടര് പ്രതിമാസ റിപ്പോര്ട്ട് സര്ക്കാറിന് സമര്പ്പിക്കണം.
https://www.facebook.com/Malayalivartha
