കാലിഫോര്‍ണിയയിൽ റെസ്റ്റോറന്റിന് മുന്നില്‍ വച്ച് 38-കാരിയായ ഇന്ത്യന്‍ വംശജ ശാലിനി ഠാക്കൂര്‍ ദാരുണമായി കൊല്ലപ്പെട്ട സംഭവം അമേരിക്കയിലെ ഇന്ത്യന്‍ സമൂഹത്തെ നടുക്കിയിരിക്കുകയാണ്. നിരന്തരം പിന്തുടര്‍ന്ന് ശല്യം ചെയ്തിരുന്ന (Stalking) രോഹിത് (22) എന്ന യുവാവാണ് ചൊവ്വാഴ്ച ഉച്ചയ്ക്ക് മൂന്ന് മണിയോടെ ശാലിനിയെ വെടിവെച്ച് കൊലപ്പെടുത്തിയത്. കൊലപാതകത്തിന് ശേഷം രക്ഷപ്പെടാന്‍ ശ്രമിച്ച പ്രതി, പോലീസിന്റെ പിടിയിലാകുമെന്ന് ഉറപ്പായതോടെ ഹൈവേ 50-ല്‍ വച്ച് പോലീസിന് മുന്നില്‍ വച്ച് തന്നെ സ്വയം വെടിയുതിര്‍ത്ത് ആത്മഹത്യ ചെയ്യുകയായിരുന്നു.

ചൊവ്വാഴ്ച വൈകിട്ട് ഏകദേശം മൂന്ന് മണിയോടെ സാക്രമെന്റോ കൗണ്ടിയിലെ ആർഡൻ-ആർക്കേഡ് പ്രദേശത്തുള്ള ‘ഹൗ’ അവന്യൂവിലെ ഷോപ്പിങ് പ്ലാസയിലെ പനേര ബ്രെഡ് റസ്റ്ററന്റ് പാർക്കിങ് ഏരിയയിലായിരുന്നു സംഭവം.ജോലിസ്ഥലത്ത് വാഹനത്തിൽ വന്നിറങ്ങിയ ശാലിനിയെ അവിടെ കാത്തുനിന്നിരുന്ന രോഹിത് തടഞ്ഞുനിർത്തുകയായിരുന്നു. ഭയന്നോടിയ ശാലിനിയെ ഇയാൾ പിന്തുടർന്ന് പലതവണ വെടിയുതിർത്തു. തുടർന്ന് നിലത്തുവീണ ശാലിനിയുടെ തലയിലേക്ക് തൊട്ടടുത്തുനിന്ന് വീണ്ടും വെടിവച്ച് മരണം ഉറപ്പാക്കുകയായിരുന്നുവെന്ന്

സാക്രമെന്റോ ഷെരീഫ് ഓഫിസ് വ്യക്തമാക്കി.ഏറെനാളത്തെ കൃത്യമായ ആസൂത്രണത്തിനൊടുവിലാണ്ഈ ക്രൂരമായ കൊലപാതകം നടന്നിരിക്കുന്നത്. ജോലിസ്ഥലത്തേക്ക് എത്തിയ ശാലിനിയെ പിന്തുടര്‍ന്നെത്തിയ രോഹിത് റെസ്റ്റോറന്റിന് മുന്നില്‍ വെച്ച് തടഞ്ഞുനിര്‍ത്തുകയായിരുന്നു. ശാലിനി ഓടി രക്ഷപ്പെടാന്‍ ശ്രമിച്ചെങ്കിലും ഇയാള്‍ തടഞ്ഞുനിര്‍ത്തി തോക്കെടുത്ത് വെടിയുതിര്‍ത്തു. വെടിയേറ്റ് താഴെ വീണ ശാലിനിയുടെ തലയ്ക്ക് നേരെ തൊട്ടടുത്തുനിന്ന് വീണ്ടും വെടിയുതിര്‍ക്കുകയായിരുന്നുവെന്നാണ് ദൃക്‌സാക്ഷികള്‍ വ്യക്തമാക്കുന്നത്.

ഒരു വര്‍ഷത്തോളമായി പ്രതി ശാലിനിയെ നിരന്തരം പിന്തുടര്‍ന്ന് ശല്യം ചെയ്തുവരികയായിരുന്നു. ഓണ്‍ലൈനായി ഭക്ഷണവും മറ്റ് സാധനങ്ങളും ശാലിനി താമസിക്കുന്നിടത്ത് ഡെലിവറി ചെയ്യാനായി എത്തിയപ്പോഴാണ് ഇരുവരും പരിചയപ്പെടുന്നത്. തുടര്‍ന്ന് ഇയാള്‍ ശാലിനിയെ വിവാഹം കഴിക്കാന്‍ ആഗ്രഹം പ്രകടിപ്പിച്ചിരുന്നു. എന്നാല്‍ ഇരുവര്‍ക്കുമിടയിലെ വലിയ പ്രായവ്യത്യാസം ചൂണ്ടിക്കാട്ടി ശാലിനിയും കുടുംബവും ഈ നിര്‍ദേശം നിരസിക്കുകയായിരുന്നു.