അണ്‍എയ്ഡഡ് വിദ്യാഭ്യാസ സ്ഥാപനങ്ങളിലെ ജീവനക്കാര്‍ക്കും പ്രസവാവധി അനുവദിക്കാനുള്ള സംസ്ഥാന സര്‍ക്കാര്‍ തീരുമാനത്തിന് കേന്ദ്ര അംഗീകാരമായതോടെ അണ്‍എയ്ഡഡ് വിദ്യാഭ്യാസ സ്ഥാപനങ്ങളിലെ ജീവനക്കാരെ പ്രസവാനുകൂല്യ നിയമപരിധിയില്‍ ഉള്‍പ്പെടുത്തുന്ന ആദ്യ സംസ്ഥാനമായി മാറി കേരളം. . ഇതോടെ അണ്‍എയ്ഡഡ് വിദ്യാഭ്യാസസ്ഥാപനങ്ങളിലെ ജീവനക്കാരെ പ്രസവാനുകൂല്യ നിയമപരിധിയില്‍ ഉള്‍പ്പെടുത്തുന്ന ആദ്യ സംസ്ഥാനമായി കേരളം.
ആഗസ്ത് 29ലെ മന്ത്രിസഭാ യോഗമാണ് സ്വകാര്യ വിദ്യാഭ്യാസ സ്ഥാപനങ്ങളിലെ ജീവനക്കാരെ പ്രസവാനുകൂല്യ നിയമത്തിന്റെ പരിധിയിലാക്കാന്‍ തീരുമാനിച്ചത്. വിജ്ഞാപനത്തിന് കേന്ദ്ര സര്‍ക്കാരിന്റെ അംഗീകാരം തേടുകയായിരുന്നു. ഈ നിയമത്തിന്റെ പരിരക്ഷ ലഭിക്കുന്നവര്‍ക്ക് 26 ആഴ്ച (ആറു മാസം) ശമ്പളത്തോടെയുള്ള അവധി ലഭിക്കും. ചികിത്സയ്ക്കായി തൊഴിലുടമ 1000 രൂപയും നല്‍കും. നിയമഭേദഗതി പ്രാബല്യത്തില്‍ വരുന്നതോടെ ഈ ആനുകൂല്യങ്ങളെല്ലാം സ്വകാര്യമേഖലയിലും ലഭ്യമാകും.