എന്.എസ്.എസിനെയും ജനറല് സെക്രട്ടറി സുകുമാരന് നായരേയും പേരെടുത്ത് പറഞ്ഞ് വിമര്ശിക്കാന് പോലും സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന് ഭയമോ?
വട്ടിയൂര്ക്കാവില് യു.ഡി.എഫിന് വേണ്ടി വോട്ട് പിടിക്കാന് താലൂക്ക് യൂണിയന് നേതാവ് സംഗീത് കുമാര് ഇറങ്ങിയത് മാധ്യമപ്രവര്ത്തകര് ശ്രദ്ധില് പെടുത്തിയപ്പോള് ചില സമുദായ സംഘടനകള് ജാതി പറഞ്ഞു വോട്ട് പിടിക്കുന്നതിനെതിരെ മുഖ്യതെരഞ്ഞെടടുപ്പ് ഓഫീസര്ക്ക് പരാതി നല്കുമെന്നായിരുന്നു സെക്രട്ടറിയുടെ പ്രതികരണം. സമുദായനേതാക്കള് പറഞ്ഞാല് സമുദായ അംഗങ്ങള് വോട്ട് ചെയ്യില്ലെന്നും വോട്ട് പിടിക്കുന്ന എന്.എസ്.എസ് നിലപാടിനെതിരെ ആരെങ്കിലും കേസ് കൊടുക്കുമെന്നും ഇത് പ്രബുദ്ധകേരളമാണെന്നും സി.പി.ഐ സംസ്ഥാന സെക്രട്ടറി കാനം രാജേന്ദ്രന് ആര്ജ്ജവത്തോടെ പറഞ്ഞിരുന്നു.
നഗ്നമായി ജാതി പറഞ്ഞാണ് വട്ടിയൂര്ക്കാവില് വോട്ടു ചോദിക്കുന്നതെന്നും സംസ്ഥാന മുഖ്യതെരഞ്ഞെടുപ്പ് ഓഫിസര് ടിക്കാറാം മീണയുടെ നിരീക്ഷണം ശരിയാണെന്നും കോടിയേരി പറഞ്ഞെങ്കിലും എന്.എസ്.എസിനെയോ, സുകുമാരന് നായരേയോ പേരെടുത്ത് വിമര്ശിക്കാന് അദ്ദേഹം ശ്രമിച്ചില്ല എന്നത് ശ്രദ്ധേയമാണ്. എന്.എസ്.എസ് പലരീതിയില് സര്ക്കാരിനെയും സി.പി.എമ്മിനെയും വിമര്ശിക്കുമ്പോഴും കോടിയേരി തിരിച്ച് അതേ നാണയത്തില് പ്രതികരിക്കുന്നില്ല. കമ്മ്യൂണിസ്റ്റ് പാര്ട്ടിയുടെ നൂറാം വാര്ഷികദിനാഘോഷ ചടങ്ങില് പതാക ഉയര്ത്തിയ ശേഷം ആലപ്പുഴയില് വെച്ചാണ് കോടിയേരി മാധ്യമങ്ങളെ കണ്ടത്. സമദൂരസിദ്ധാന്തത്തില് നിന്ന് എന്.എസ്.എസ് ശരിദൂരം പ്രഖ്യാപിച്ചപ്പോഴും അത് എന്താണെന്ന് വ്യക്തമാക്കണമെന്നല്ലാതെ പ്രകോപിപ്പിക്കാന് കോടിയേരി തയ്യാറായില്ല.
സംസ്ഥാന സര്ക്കാര് വിശ്വാസികളെ വഞ്ചിച്ചെന്നാണ് എന്.എസ്.എസിന്റെ പ്രധാന ആരോപണം. മുന്നോക്കക്കാരിലെ പിന്നോക്കക്കാര്ക്കുള്ള ഫണ്ട് വിതരണത്തിലും ദേവസ്വം ബോര്ഡിലെയും വിദ്യാഭ്യാസ സ്ഥാപനങ്ങളിലെ സംവരണത്തിലും സര്ക്കാര് അലംഭാവം തുടരുകയാണെന്ന് സുകുമാരന് നായര് ചൂണ്ടിക്കാട്ടിയിരുന്നു. അതിനെതിരെ സാംസ്കാരിക മന്ത്രി എ.കെ ബാലന് രൂക്ഷവിമര്ശനം നടത്തിയിട്ടും സുകുമാരന് നായര് പറയുന്നത് സമുദായ അംഗങ്ങള് എല്ലാം കേള്ക്കില്ലെന്ന് മന്ത്രി കടകംപള്ളി സുരേന്ദ്രന് തിരിച്ചടിച്ചിട്ടും പാര്ട്ടി സെക്രട്ടറിയോ മുഖ്യമന്ത്രി പിണറായി വിജയനോ ശക്തമായി പ്രതികരിക്കാന് തയ്യാറായിട്ടില്ല. ഉപതെരഞ്ഞെടുപ്പ് അടുത്ത് നില്ക്കുന്ന സാഹചര്യമായതിനാലാണെന്ന് ഈ തണുത്ത പ്രതികരണമെന്ന് അറിയുന്നു.
കഴിഞ്ഞ ലോക്സഭാ തെരഞ്ഞെടുപ്പില് എന്.എസ്.എസി എല്.ഡി.എഫിനെതിരെ ശക്തമായി നിലകൊള്ളുകയും മുഖ്യമന്ത്രി പിണറായി വിജയന് അതിരൂക്ഷമായി വിമര്ശിക്കുകയും ചെയ്തിരുന്നു. തുടര്ന്ന് ചരിത്രത്തിലെ ഏറ്റവും വലിയ പരാജയമാണ് എല്.ഡി.എഫിന് ഏല്ക്കേണ്ടിവന്നത്. എന്നാല് അതിന് ശേഷം പാലാ ഉപതെരഞ്ഞെടുപ്പിലും എന്.എസ്.എസ് സര്ക്കാരിനെതിരെ തിരിഞ്ഞു. വട്ടിയൂര്ക്കാവ് അടക്കമുള്ള അഞ്ച് മണ്ഡലങ്ങളിലെ ഉപതെരഞ്ഞെടുപ്പില് എന്.എസ്.എസ് യു.ഡി.എഫിന് പരസ്യപിന്തുണയും നല്കി. മത,സാമുദായിക സംഘടനകള് തെരഞ്ഞെടുപ്പില് ഇടപെടുന്നതിനെതിരെ മുഖ്യതെരഞ്ഞെടുപ്പ് കമ്മീഷ്ണര് ഇടപെട്ടിട്ടും സി.പി.എമ്മും സര്ക്കാരും മൗനംപാലിക്കുകയാണ്. എന്.എസ്.എസ് ഒരുകാലത്തും എല്.ഡി.എഫിനൊപ്പം നിന്നിട്ടില്ലെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രന് ആഞ്ഞടിക്കുകയും ചെയ്തു. ആ ഒരു ആര്ജ്ജവം സി.പി.എമ്മിന്റെ സംസ്ഥാന സെക്രട്ടറിക്കില്ലാതെ പോയി. എന്ത് ചെയ്യാം.
https://www.facebook.com/Malayalivartha
