പാലക്കാട് തൃത്താല പടിഞ്ഞാറങ്ങാടിയില്‍ ചാണയിലകത്ത് അഹമ്മദുണ്ണി സകുടുംബം ബന്ധുവീട്ടില്‍പോയി തിരികെ എത്തിയപ്പോള്‍ വീടിന്റെ ജനല്‍ച്ചില്ലുകള്‍ പൊട്ടിയ നിലയില്‍ കണ്ടു. മോഷ്ടാക്കളാകാം ഇതിന് പിന്നിലെന്ന് ആയിരുന്നു സംശയം.

വീടിന് പിന്നിലുളള ശുചിമുറിയുടെ ജനല്‍ തെറിച്ചുപോയതായും കാണപ്പെട്ടു. വിവരം അറിയിച്ചതനുസരിച്ച് പൊലീസെത്തി വീട് പരിശോധിച്ചപ്പോഴാണ് ഇടിമിന്നലേറ്റതാണ് കാരണമെന്ന് സ്ഥിരീകരിച്ചത്.

വൈദ്യുതിവിതരണ സംവിധാനങ്ങള്‍, സിസിടിവി ക്യാമറ, ടിവി, സ്വിച്ച് ബോര്‍ഡുകള്‍ , ഫാന്‍, ലൈറ്റ് ഉള്‍പ്പെടെ സര്‍വതും ഇടിമിന്നലേറ്റ് നശിച്ചു. കെട്ടിടത്തിന്റെ വിവിധയിടങ്ങളിലായി തകരാറുകളുണ്ടായി. തറയുടെ മണ്ണ് ഇളകിയതായും കാണപ്പെട്ടു.

ആരും വീട്ടില്‍ ഇല്ലാതില്ലാതിരുന്നതിനാല്‍ വന്‍അപകടം ഒഴിവായി. കഴിഞ്ഞ നാലു ദിവസമായി രാത്രിയും പകലും അതിശക്തമായ മിന്നലാണ് ഇവിടെ അനുഭവപ്പെടുന്നത്. അകമ്പടിയായി ഒറ്റപ്പെട്ട കനത്ത മഴയുമുണ്ട്.