സമദൂരത്തില് നിന്നും ശരിദൂരത്തിലേക്ക് എന്എസ് എസ് ജനറല് സെക്രട്ടറി ജി. സുകുമാരന് നായര് കടന്നതോടെ നിലപാട് കടുപ്പിച്ച് സിപിഎം.... കോട്ടയം കുറിച്ചി എന് എസ് എസ് ഹോമിയോ കോളേജ് നിയമനവുമായി ബന്ധപ്പെട്ട് കോട്ടയം വിജിലന്സ് കോടതി ജനറല് സെക്രട്ടറി ജി.സുകുമാരന് നായര്ക്കെതിരെ പ്രഖ്യാപിച്ച വിജിലന്സ് അന്വേഷണത്തിന്റെ ഫയല് പൊടിതട്ടിയെടുത്ത് പകരം വീട്ടാന് ഒരുങ്ങി സര്ക്കാര്
കോട്ടയം കുറിച്ചി എന് എസ് എസ് ഹോമിയോ കോളേജ് നിയമനവുമായി ബന്ധപ്പെട്ട് കോട്ടയം വിജിലന്സ് കോടതി ജനറല് സെക്രട്ടറി ജി.സുകുമാരന് നായര്ക്കെതിരെ പ്രഖ്യാപിച്ച വിജിലന്സ് അന്വേഷണത്തിന്റെ ഫയല് പൊടിതട്ടിയെടുത്ത് പകരം വീട്ടാന് ഒരുങ്ങി സര്ക്കാര് . വെള്ളാപ്പള്ളി നടേശനെ കേന്ദ്ര, സംസ്ഥാന സര്ക്കാരുകള് വിവിധ കേസുകളില് കുരുക്കി ഒതുക്കിയ അതേ വഴിയിലൂടെ സുകുമാരന് നായരെ ഒരുക്കാനാണ് ശ്രമം.
കഴിഞ്ഞ വര്ഷം ഫെബ്രുവരിയിലാണ് കോട്ടയം വിജിലന്സ് കോടതിയില് നിന്നും സുകുമാരന് നായര്ക്കെതിരെ അന്വേഷണത്തിന് ഉത്തരവുണ്ടായത്. എന്നാല് സുകുമാരന് നായരുടെ കാര്യമായതിനാല് സര്ക്കാര് അനങ്ങിയില്ല. സര്ക്കാരിനെതിരെ ആരെയെങ്കിലും നിയോഗിച്ച് ഹൈക്കോടതിയില് കേസ് ഫയല് ചെയ്യാനാണ് സര്ക്കാരിന്റെ നീക്കം. വിജിലന്സ് കോടതി ഉത്തരവിന്മേല് സ്വീകരിച്ച നടപടികള് ഹൈക്കോടതി സ്വാഭാവികമായും ആവശ്യപ്പെടും. ഇതിന്റെ ചുവടു പിടിച്ച എന് എസ് എസിനെ വരുതിയിലാക്കാനാണ് സര്ക്കാര് നീക്കം.
2013 സെപ്റ്റംബറില് നടന്ന അധ്യാപക നിയമനമാണ് കേസിന് കാരണമായത്. കോളേജ് പ്രിന്സിപ്പല് ഡോ. വേണുഗോപാലും സുകുമാരന് നായരുമാണ് ആദ്യ പ്രതികള്. പത്തോളജിയിലും കമ്യൂണിറ്റി മെഡിസിനിലും നിയമിക്കപ്പെട്ട രണ്ട് അധ്യാപകര് വ്യാജ എക്സ്പീരിയന്സ് സര്ട്ടിഫിക്കേറ്റ് ഹാജരാക്കിയെന്നാണ് കേസ്. തമിഴ്നാട്ടിലെ സ്വകാര്യ കോളേജുകളില് അധ്യാപകര് ജോലി ചെയ്തിട്ടുണ്ട്. കോട്ടയം വിജിലന്സ് കോടതി ജഡ്ജി ദിലീപ് കുമാറാണ് കേസെടുത്തത്. സൂകുമാരന് നായര് വന്നതോടെ സര്ക്കാര് മന്ദഗതിയിലായി.
സുകുമാരന് നായരെ ഒതുക്കേണ്ടത് സര്ക്കാരിന്റെ ആവശ്യമായി വന്നിരിക്കുന്നു. ഉപതെരഞ്ഞടുപ്പിന്റെ പശ്ചാത്തലത്തിലാണ് സുകുമാരന് നായരും സര്ക്കാരും തമ്മില് അഭിപ്രായ വ്യത്യാസം രൂക്ഷമായത്. അതിലുള്ള വിരോധമാണ് സര്ക്കാര് തീര്ക്കുന്നത്. .
യഥാര്ത്ഥത്തില് കേസില് സുകുമാരന് നായര് പ്രതിയാക്കിയതില് ഒരര്ത്ഥവുമില്ല. സുകുമാരന് നായര് എന് എസ് എസ് ജനറല് സെക്രട്ടറിയാണ്. അദ്ദേഹത്തിന് കുറിച്ചി കോളേജ് നിയമനത്തില് ഒരു റോളുമില്ല. ബന്ധപ്പെട്ട വിഭാഗങ്ങളിലെ സര്ട്ടിഫിക്കേറ്റ് യാഥാര്ത്ഥ്യമാണോ എന്ന് പരിശോധിക്കാനുള്ള വൈദഗ്ദ്യവും അദ്ദേഹത്തിനില്ല. ഇതാണ് സാഹചര്യമെന്നിരിക്കെ ജനറല് സെക്രട്ടറി പ്രതിയായത് എങ്ങനെയാണെനാണ് അന്വേഷിക്കേണ്ടത്. സര്ക്കാരിന് അതൊന്നുമല്ല വിഷയം. ഇലക്ഷന് കഴിയുന്നതു വരെ വിവാദം ഒഴിവാക്കാനാണ് സര്ക്കാര് ശ്രമിക്കുന്നത്.
എന്നാല് എന് എസ് എസിനെതിരെ നീങ്ങാനുള്ള ഉള്ക്കരുത്ത് സര്ക്കാരിനും പാര്ട്ടിക്കുമില്ല എന്നതാണ് സത്യം. സുകുമാരന് നായര്ക്കെതിരെ പിണറായി ഇതുവരെ ഒരക്ഷരം മിണ്ടിയിട്ടില്ല. കോടിയേരി പ്രതൃക്ഷമായി കുറ്റപ്പെടുത്തിയിട്ടുമില്ല. സിപിഎമ്മിലെ ബി ടീം മാത്രമാണ് എന് എസ് എസിനെതിരെ രംഗത്തെത്തിയിട്ടുള്ളത്.
https://www.facebook.com/Malayalivartha
