ഫ്രാങ്കോയെ പൂട്ടാന് വനിതാ കമ്മീഷന്, റിപ്പോര്ട്ട് നല്കാന് ഡി.ജി.പിയോട് ആവശ്യപ്പെട്ടു
ഫ്രാങ്കോ മുളയ്ക്കലിനെതിരെ കേരള വനിതാ കമ്മീഷനില് കന്യാസ്ത്രീകള് നല്കിയ പരാതി അതീവഗൗരവമുളളതാണെന്ന് വനിതാ കമ്മീഷന് അധ്യക്ഷ എം. സി. ജോസഫൈന്. സ്ത്രീകളെ അവര് ആരായാലും ഒരു സമൂഹ മാധ്യമത്തിലൂടെയോ യു ട്യൂബ് ചാനലിലൂടെയോ അപമാനിക്കാന് പാടില്ല.അതിനാല് കമ്മീഷന് കന്യാസ്ത്രീകളുടെ പരാതിയില് ശക്തമായ നടപടികളുമായി മുന്നോട്ട് പോവും. ഡിജിപിയോടും സൈബര് പോലീസിനോടും പത്ത് ദിവസത്തിനകം റിപ്പോര്ട്ട് സമര്പ്പിക്കാന് ആവശ്യപ്പെടുമെന്നും വനിതാ കമ്മീഷന് അധ്യക്ഷ അറിയിച്ചു.
ബുധനാഴ്ച രാവിലെയാണ് പരാതി വനിതാ കമ്മീഷന് ഓഫീസില് ലഭ്യമായത്. പരാതി രജിസ്റ്റര് ചെയ്ത് കേസെടുത്തതായും അതീവ ഗൗരവത്തോടെ തന്നെ സൈബര് പോലീസ് ഇക്കാര്യം അന്വേഷിച്ച് റിപ്പോര്ട്ട് സമര്പ്പിക്കണമെന്നും വനിതാ കമ്മീഷന് അധ്യക്ഷ പറഞ്ഞു. ഇതേ വിഷയത്തില് നേരത്തെ കമ്മീഷനില് രജിസ്റ്റര് ചെയ്ത മറ്റൊരു കേസില് കോട്ടയം എസ് പി യോട് റിപ്പോര്ട്ട് ആവശ്യപ്പെട്ടിരുന്നു. അന്വേഷണം നടന്നുകൊണ്ടിരിക്കുകയാണെന്നാണ് അന്ന് ലഭിച്ച റിപ്പോര്ട്ടില് പറയുന്നത്. കൂടാതെ കമ്മീഷന് സ്വമേധയാ രജിസ്റ്റര് ചെയ്ത കേസിലും നേരത്തെ റിപ്പോര്ട്ട് ആവശ്യപ്പെട്ടിരുന്നു.
കേസുകള് നിലനില്ക്കെ കന്യാസ്ത്രീകള്ക്കെതിരെ ചിലര് പ്രവര്ത്തിക്കുന്നത് അനുവദിക്കാനാവില്ല. അതിനാല് സംഭവത്തില് പോലീസ് ശക്തമായ നടപടികള് സ്വീകരിക്കണമെന്നും എം. സി. ജോസഫൈന് ആവശ്യപ്പെട്ടു.
അതേസമയം സിസ്റ്റര് ലൂസി മുമ്പ് പരാതി നല്കിയ ശേഷം അദാലത്തിലുള്പ്പെടെ ഹാജരായില്ലെന്ന് കമ്മീഷന് കഴിഞ്ഞ ദിവസം ചൂണ്ടിക്കാട്ടിയിരുന്നു.
https://www.facebook.com/Malayalivartha
