നിയമസഭയിലേക്ക് കോണ്‍ഗ്രസ്സ് നടത്തിയ മാര്‍ച്ചില്‍ സംഘര്‍ഷം ഉണ്ടായി. ഷാഫി പറമ്പില്‍ എംഎല്‍എയ്‌ക്കെതിരെ നടന്ന പോലീസ് നായാട്ടിൽ പ്രതിഷേധിച്ചാണ് കോണ്‍ഗ്രസ്സ് മാര്‍ച്ച് നടത്തിയത്. ഈ മാർച്ചിൽ വീണ്ടും സംഘര്‍ഷം ഉണ്ടായി. സംഘർഷത്തിൽ ഒരു പ്രവര്‍ത്തകന് പരിക്കേൽക്കുകയും ചെയ്തു.

തിരുവനന്തപുരം ഡിസിസിയുടെ നേതൃത്വത്തിലായിരുന്നു മാര്‍ച്ച് നടന്നത്. പോലീസിന്റെ ഷീല്‍ഡ് പ്രവര്‍ത്തകര്‍ പിടിച്ചു വാങ്ങാന്‍ ശ്രമിച്ചു. ഇതിന് പിന്നാലെ കല്ലേറ് നടത്തുകയും ചെയ്തു. ഇതിന്റെ പിന്നാലെയാണ് പോലീസ് ലാത്തി വീശിയത്. പ്രവര്‍ത്തകര്‍ക്ക് നേരെ രണ്ട് തവണ പോലീസ് ജല പീരങ്കി പ്രയോഗിക്കുകയും ചെയ്തു.