സുല്ത്താന് ബത്തേരി ഗവ. സര്വജന വൊക്കേഷണല് ഹയര് സെക്കന്ററി സ്കൂളില് അഞ്ചാംക്ലാസ്സുകാരി ഷഹല ക്ലാസ് മുറിയില് നിന്ന് പാമ്പു കടിയേറ്റ് മരിച്ച സംഭവത്തില് പൊലീസ് സ്വമേധയാ കേസെടുത്തു... മനപൂര്വമല്ലാത്ത നരഹത്യക്കാണ് സുല്ത്താന് ബത്തേരി പൊലീസ് കേസെടുത്തത്
വയനാട് സുല്ത്താന് ബത്തേരി ഗവ. സര്വജന സ്കൂളില് ക്ലാസ് മുറിയില് അഞ്ചാം ക്ലാസ് വിദ്യാര്ഥിനി ഷഹല ഷെറിന് പാമ്പുകടിയേറ്റ് മരിച്ച സംഭവത്തില് പൊലീസ് സ്വമേധയാ കേസെടുത്തു. പ്രിന്സിപ്പാള്, വൈസ് പ്രിന്സിപ്പാള്, അധ്യാപകന് ഷിജില്, താലൂക്ക് ആശുപത്രിയിലെ ഡോക്ടര് ജിസ എന്നിവരാണ് പ്രതികള്.സ്പെഷ്യല് ബ്രാഞ്ചിന്റെ റിപ്പോര്ട്ടിനെ തുടര്ന്ന് മനപ്പൂര്വ്വമല്ലാത്ത നരഹത്യയ്ക്കാണ് പ്രതികള്ക്കെതിരെ കേസെടുത്തിരിക്കുന്നത്. സംഭവത്തില് പൊലീസ് കൂടുതല് അന്വേഷണം നടത്തും.
അതേസമയം സര്വജന സ്കൂളിന്റെ പ്രിന്സിപ്പാളിനെയും വൈസ്പ്രിന്സിപ്പാളിനെയും സസ്പെന്ഡ് ചെയ്തു.സ്കൂളിന്റെ പിടിഎ കമ്മിറ്റിയും പിരിച്ചുവിട്ടു. വിദ്യാഭ്യാസ വകുപ്പ് ഡെപ്യൂട്ടി ഡയറക്ടറുടേതാണ് നടപടി. അന്വേഷണ വിധേയമായാണ് സസ്പെന്ഷന് നടപടി.
സ്കൂള് പ്രിന്സിപ്പാള് എ കെ കരുണാകരന്, ഹൈസ്കൂളിന്റെ ചുമതലയുള്ള വൈസ് പ്രിന്സിപ്പാള് കെ കെ മോഹനന് എന്നിവരെയാണ് സസ്പെന്ഡ് ചെയ്തത്. സംഭവത്തില് അനാസ്ഥ കാണിച്ചെന്ന് ആരോപണവിധേയനായ അധ്യാപകന് ഷിജിലിനെ നേരത്തെ തന്നെ സസ്പെന്ഡ് ചെയ്തിരുന്നു. പ്രാഥമികാന്വേഷണത്തിന് ശേഷമാണ് അധ്യാപകനെതിരെ നടപടിയെടുത്തത്. കുട്ടിയ്ക്ക് പാമ്പുകടിയേറ്റെന്ന് പറഞ്ഞിട്ടും, ആശുപത്രിയിലെത്തിക്കാന് ഷിജില് എന്ന സയന്സ് അധ്യാപകന് തയ്യാറായില്ല എന്ന് വിദ്യാര്ത്ഥികള് ആരോപിച്ചിരുന്നു.
"
https://www.facebook.com/Malayalivartha