സിനിമയല്ലിത് ജീവിതം.... കുടുംബത്തിന് കുടുംബം ജോലിക്ക് ജോലി പണത്തിന് പണം എല്ലാമുണ്ടായിട്ടും സുനിത ബേബിക്കിത് എന്തിന്റെ കേടെന്ന് നാട്ടുകാര്; ലക്ഷങ്ങള് ശമ്പളമുള്ള നഴ്സിംഗ് ജോലിക്കായി ദുബായില് പോകാന് തയ്യാറെടുക്കവേ എല്ലാം പൊളിച്ചത് ക്ലാസ് മേറ്റ്സുകളുടെ ആ ഒത്തുകൂടല്; മൂന്നാല് സിനിമകളുടെ തിരക്കഥകള് കൂട്ടിയോജിപ്പിച്ചുള്ള ജീവിതം കണ്ട് അന്തം വിട്ട് മലയാളികള്
മലയാളികള് അടുത്തൊന്നും കണ്ടിട്ടില്ലാത്ത സിനിമയെ വെല്ലുന്ന കഥയുടെ ഉള്ളുകളികളാണ് പോലീസ് കഴിഞ്ഞ ദിവസം പുറത്ത് വിട്ടത്. തിരുവനന്തപുരത്തെ വില്ലയില് വച്ച് ഭര്ത്താവും കാമുകിയും ചേര്ന്ന് നടത്തിയ കൊലയുടെ കൂടുതല് വിവരങ്ങള് പുറത്താകുകയാണ്. പ്രേംകുമാറും വിദ്യയും പരിചയപ്പെടുന്നതു 15 വര്ഷം മുന്പ് ഫോണ് കോളിലൂടെയാണ്. മൂവാറ്റുപുഴയില് ഒരു ഹോട്ടലില് സൂപ്പര്വൈസറായിരുന്നു പ്രേംകുമാര്. ബന്ധുവായ ദീപക്കിനെ ഹോട്ടലില് വച്ച് കാണാതായെന്ന പരാതി പറയാനാണു വിദ്യ ഫോണ് ചെയ്തത്. ഇതിലൂടെയുണ്ടായ പരിചയം വിവാഹത്തിലെത്തി. 8 വയസ് കൂടുതലും നാല് കെട്ടിയതുമായ യുവതിയെ വേണ്ടെന്ന് വയ്ക്കാന് ബന്ധുക്കള് നിര്ബന്ധിച്ചെങ്കിലും അടി കൂടിയാണ് വിദ്യയെ സ്വന്തമാക്കിയത്. തേവരയിലടക്കം പല ഭാഗങ്ങളില് ഇവര് വാടകയ്ക്കു താമസിച്ചു. 6 മാസമായി ഉദയംപേരൂരിലായിരുന്നു.
അതേ സമയം കാമുകിയായ സുനിത ബേബി ഉയര്ന്ന നിലയിലായിരുന്നു. ലക്ഷങ്ങള് ശമ്പളമുള്ള നഴ്സിംഗ് ജോലിക്കായി ദുബായില് പോവാനുള്ള തയ്യാറെടുപ്പിലായിരുന്നു സുനിത. ഇതിനായി കളിയിക്കാവിളയിലെ നഴ്സിംഗ് കോളേജില് രണ്ടുവര്ഷത്തെ പോസ്റ്റ് ബേസിക് ബി.എസ്സി കോഴ്സിനു ചേര്ന്നു.
15വര്ഷം പ്രവൃത്തിപരിചയമുള്ള സുനിതയ്ക്ക് കോളേജ് അധികൃതര് പഠനത്തിനൊപ്പം ആശുപത്രിയില് നഴ്സിംഗ് സൂപ്രണ്ട് തസ്തികയില് ജോലിയും നല്കി. പ്രേംകുമാറാണ് പഠനത്തിന് പണം നല്കിയതെന്ന് ചില ബന്ധുക്കളോട് സുനിത പറഞ്ഞിരുന്നു. തമിഴ്നാട്ടിലെ സിനിമാ തിയേറ്ററില് മാനേജരായിരുന്നു പ്രേംകുമാറിന്റെ പിതാവ്. അങ്ങനെയാണ് സുനിത പഠിച്ച ചെറുവാരക്കോണത്തെ സ്കൂളില് പ്രേംകുമാറും എത്തിയത്. ഈ സ്കൂളിന്റെ 25ാം വാര്ഷികത്തിനാണ് സുനിതയും പ്രേംകുമാറും വീണ്ടും ഒന്നിച്ചത്.കഴിഞ്ഞ വെള്ളിയാഴ്ചയാണ് സുനിത അവസാനമായി വീട്ടിലെത്തിയത്.
ദൃശ്യം സിനിമ മോഡലില് പൊലീസിനെ തെറ്റിദ്ധരിപ്പിക്കാനുള്ള ശ്രമമാണ് ഇവര് നടത്തിയത്. കൊലപാതകത്തിന് ശേഷം വിദ്യയുടെ മൊബൈല് ഫോണ് നേത്രാവതി എക്സ്പ്രസിലെ ചവറ്റുകുട്ടയില് ഇവര് ഉപേക്ഷിക്കുകയും ചെയ്തിരുന്നു. ഫോണ് സിഗ്നല് തേടിപ്പോവുന്ന പൊലീസിനെ കബളിപ്പിക്കാനായിരുന്നു നീക്കം. വിദ്യയെ കാണാനില്ലെന്നുള്ള പ്രേംകുമാറിന്റെ പരാതിയില് അന്വേഷണം ആരംഭിച്ച പൊലീസ് പ്രേംകുമാര് ട്രെയിനില് ഉപേക്ഷിച്ച വിദ്യയുടെ മൊബൈല് ഫോണ് ലൊക്കേഷന് ബിഹാറില് എത്തിയതായി തിരിച്ചറിയുകയും അന്വേഷണം ആ വഴിക്ക് നീങ്ങുകയും ചെയ്തിരുന്നു.
ദൃശ്യം മോഡല് പോലെ ധ്യാനം കൂടാന് പോയതും ഇതില് വന്നത് യാദൃശ്ചികം. ഇവിടെ ധ്യാനം കഴിഞ്ഞ് വന്നാണ് പിടികൂടിയതെന്ന് മാത്രം. ആമച്ചലില് രണ്ടുദിവസത്തെ ഉപവാസ പ്രാര്ത്ഥനയില് പങ്കെടുത്ത ശേഷം ഞായറാഴ്ച രാവിലെ വരുമെന്ന് പറഞ്ഞാണ് പോയത്. പക്ഷേ ഞായറാഴ്ച സുനിത വന്നില്ല. തിങ്കളാഴ്ച രാവിലെ 11ന് പിതാവ് ജോണിയുടെ ഫോണില് വെള്ളറട പൊലീസിന്റെ വിളിയെത്തി. സുനിതയുടെ രണ്ടു ജോഡി വസ്ത്രങ്ങളുമായി സ്റ്റേഷനില് എത്താനായിരുന്നു നിര്ദ്ദേശം. മാതാപിതാക്കള് സ്റ്റേഷനിലെത്തിയപ്പോള് പ്രേംകുമാറും സുനിതയും അവിടെയുണ്ടായിരുന്നു.
അതേസമയം ഭാര്യയെ കൊലപ്പെടുത്തിയ ശേഷം പ്രേംകുമാര് കാമുകി സുനിതയോടൊപ്പം 2 മാസം ഒരുമിച്ചു ജീവിച്ചപ്പോള് പ്രശ്നങ്ങളുടലെടുത്തതായി പൊലീസ് വ്യക്തമാക്കുന്നുണ്ട്. പ്രേംകുമാര് തന്നെയും അപായപ്പെടുത്തുമെന്നു സുനിത ഭയപ്പെട്ടു. കൊലപാതകത്തിനു ശേഷം പ്രേംകുമാറും പരിഭ്രമത്തിലായിരുന്നു. സുനിത ഹൈദരാബാദിലേക്കു തിരിച്ചുപോകാന് ഒരുങ്ങിയിരുന്നു. പ്രേംകുമാര് ഗള്ഫിലേക്കു കടക്കാനും ആലോചിച്ചിരുന്നതായാണ് വെളിപ്പെടുത്തല്.
"
https://www.facebook.com/Malayalivartha
