മിണ്ടാട്ടം മുട്ടിയില്ലേ...കൂടെ നിന്ന് കാലുവാരുന്നവര്ക്ക് സ്വന്തം തട്ടകത്തില് പോയി പണി കൊടുക്കുന്ന ചരിത്രമാണ് അമിത്ഷായ്ക്കുള്ളത്; ബിജെപിയോടൊപ്പം നില്ക്കുകയും അതേസമയം സിപിഎമ്മിന് വേണ്ടി വോട്ടു ചോദിക്കുകയും ചെയ്യുന്ന വെള്ളാപ്പള്ളിയ്ക്കും മകനും സുഭാഷ് വാസുവിലൂടെ മറുപടി നല്കുന്നുവെന്ന് റിപ്പോര്ട്ട്
എസ്എന്ഡിപി ജനറല് സെക്രട്ടറി വെള്ളാപ്പള്ളി നടേശനും വൈസ് പ്രസിഡന്റും എന്ഡിഎ സംസ്ഥാന അധ്യക്ഷനുമായ തുഷാര് വെള്ളാപ്പള്ളിയ്ക്കും എട്ടിന്റെ പണിയാണ് പുറത്താക്കപ്പെട്ട സുഭാഷ് വാസു നല്കിയിരിക്കുന്നത്. സുഭാഷ് വാസുവിനെതിരെ ആഞ്ഞടിച്ച വെള്ളാപ്പള്ളിയേയും മകനേയും നിശബ്ദമാക്കുന്ന പത്രസമ്മേളനമാണ് സുഭാഷ് വാസു നടത്തിയത്. അനാശാസ്യ കേന്ദ്രമായ മക്കാവോ ദ്വീപിലെ ഫ്ളാറ്റ് മുതല് കൊലപാതകങ്ങള് വരെ എണ്ണിയെണ്ണി പറഞ്ഞാണ് വെള്ളാപ്പള്ളിമാരുടെ പഴയ സുഹൃത്ത് കൂടിയായ സുഭാഷ് വാസു തുറന്നടിച്ചത്. അതിലേറ്റവും പ്രധാനമായിരുന്നു ബിഡിജെഎസ് സംസ്ഥാന അധ്യക്ഷന് സുഭാഷ് വാസുവെന്ന താനാണെന്ന് ഉറക്കെ പറയുന്നത്. അതേസമയം ഇത് തിരുത്തി പറയേണ്ടത് ബിജെപി നേതാക്കളും അമിത് ഷായുമാണ്. എന്നാല് തെരഞ്ഞെടുപ്പ് സമയത്ത് ബിജെപി നേതാക്കളേയും എന്തിന് സാക്ഷാല് അമിത് ഷായെപ്പോലും പിണക്കിയ വെള്ളാപ്പള്ളിമാര്ക്ക് വേണ്ടി ബിജെപിക്കാര് പ്രതികരിക്കില്ലെന്നാണ് അറിയുന്നത്. എന്തിന് അമിത്ഷായെക്കാണാന് ഡല്ഹിയില് തമ്പടിച്ച് കിടന്നിട്ടു കൂടി അമിത്ഷാ കാണാന് കൂട്ടാക്കിയില്ല. ഇതെല്ലാം വിരല് ചൂണ്ടുന്നത് സുഭാഷ് വാസു കളിക്കുന്നത് ആര്ക്ക് വേണ്ടിയാണെന്ന് വ്യക്തമാകുന്നു. മാത്രമല്ല ബിജെപിയോട് അനുഭാവമുള്ള സെന്കുമാറുമായി വെള്ളാപ്പള്ളിമാര്ക്കെതിരായ തെളിവുകള് നിരത്തുമെന്നാണ് പറയുന്നത്. എന്തായാലും അമിത്ഷായെ പിണക്കിയതിലുള്ള ഫലം ഉടന് കിട്ടുമെന്നാണ് അറിയുന്നത്.
മക്കാവോ ദ്വീപ് മുതല് കൊലപാതകം വരെ അന്വേഷിക്കാന് കേന്ദ്രത്തിന് വളരെ ഈസിയാണ്. മാത്രമല്ല സാമ്പത്തികവും സുഭാഷ് വാസു എടുത്തിടുന്നുണ്ട്. അടുത്ത തെരഞ്ഞെടുപ്പോടു കൂടി ഇടത്തേയ്ക്ക് പോകാന് നോക്കുന്ന വെള്ളാപ്പള്ളിക്കും തുഷാര് വെള്ളാപ്പള്ളിക്കും മേല് വലിയ സമ്മര്ദമാണ് സുഭാഷ് വാസു ഇടുന്നത്.
വെള്ളാപ്പള്ളിയെയും കുടുംബത്തെയും എസ്എന്ഡിപിയില് നിന്ന് പുറത്താക്കും വരെ പോരാട്ടം തുടരുമെന്നാണ് സുഭാഷ് വാസു പറഞ്ഞത്. കൊലപാതകങ്ങളില് അടക്കം വെള്ളാപ്പള്ളിയുടെ കുടുംബത്തിനുള്ള പങ്ക് പുറത്തു കൊണ്ടുവരുമെന്നും സുഭാഷ് വാസു പറഞ്ഞു.
വെള്ളപ്പള്ളിക്കും കുടുംബത്തിനുമെതിരെ ഗുരുതര ആരോപണങ്ങളാണ് സുഭാഷ് വാസു മുന്നോട്ടു വെച്ചത്. അരൂര്, ആറ്റിങ്ങല് തെരഞ്ഞെടുപ്പുകളില് നിന്ന് ബിഡിജെഎസ് പിന്മാറിയത് എല്ഡിഎഫുമായി നടത്തിയ രാഷ്ട്രീയ കുതിര കച്ചവടമാണന്നും സുഭാഷ് വാസുആരോപിച്ചു.
ഈഴവ സമുദായത്തിന്റെ രക്തം ഊറ്റിക്കുടിക്കുന്ന ഡ്രാക്കുളയാണ് വെള്ളാപ്പള്ളി. പല കൊലപാതങ്ങളിലും വെള്ളാപ്പള്ളി കുടുംബത്തിനുള്ള പങ്ക് പുറത്തു കൊണ്ടുവരും. എസ് എന്ഡിപിയില് വന്ന ശേഷം തുഷാര് 500 കോടിയുടെ ആസ്തി ഉണ്ടാക്കി. ബിഡിജെഎസില് തുഷാറിന് സ്ഥാനമില്ല. പ്രസിഡന്റ് താനാണ്.
തുഷാറിന്റെ ചെക്ക് മറുഭാഗത്തിനു നല്കിയത് മറിയ എന്ന സ്ത്രീയാണ്. തന്റെ ഇപ്പോഴത്തെ നീക്കം ബിജെപി നേതൃത്വത്തെ അറിയിച്ചിട്ടുണ്ട്. തന്റെ പേരിലുള്ള ആരോപണങ്ങള് തെളിയിക്കന് കഴിഞ്ഞാല് പൊതുപ്രവര്ത്തനം അവസാനിപ്പിക്കുമെന്നും സുഭാഷ് വാസു പറഞ്ഞു.
അതേസമയം എസ്എന്ഡിപി യോഗത്തില് നിന്നും സുഭാഷ് വാസു കോടികളുടെ വെട്ടിപ്പ് നടത്തിയെന്നും ഇതുസംബന്ധിച്ച് വിശദീകരണം തേടിയ ശേഷം പാര്ട്ടി നടപടി സ്വീകരിക്കുമെന്നും തുഷാര് ഇന്നലെ വ്യക്തമാക്കിയിരുന്നു. വിദേശത്ത് രജിസ്റ്റര് ചെയ്ത ചെക്കു കേസിനു പിന്നില് സുഭാഷാണോയെന്ന് സംശയമുള്ളതായും തുഷാര് പറഞ്ഞിരുന്നു. ഇതിനുപിന്നാലെയാണ് പ്രത്യാരോപണവുമായി സുഭാഷ് വാസു രംഗത്തെത്തിയത്.
എന്തായാലും സുഭാഷ് വാസു തുറന്നു വിട്ട ഭൂതം കേന്ദ്രം ഏറ്റടുത്താല് വലിയ പ്രത്യാഘാതമാണ് ഉണ്ടാക്കുന്നത്. ഗള്ഫിലെ കേസില് നിന്നും ഊരിവന്ന തുഷാര് വെള്ളാപ്പള്ളിയെ സംബന്ധിച്ച് മറ്റൊരു കേസ് കൂടി വന്നാല് താങ്ങാനാവില്ല. മാത്രമല്ല വെള്ളാപ്പള്ളി നടേശന് ഇതുവരെ ഉയര്ത്തിപ്പിടിച്ച അഭിമാനങ്ങള് സുഭാഷ് വാസുവും സെന്കുമാറും തകര്ത്തെറിയുമോയെന്ന് വരാനിരിക്കുന്ന പത്രസമ്മേളനത്തോടെ അറിയാം.
https://www.facebook.com/Malayalivartha