ചന്ദ്രബോസ് വധക്കേസിലെ പ്രതി മുഹമ്മദ് നിസാമിന് വേണ്ടി താന്‍ ഇടപെട്ടിട്ടില്ലെന്ന് മുന്‍ ഡിജിപി എംഎല്‍ കൃഷ്ണമൂര്‍ത്തി. പി.സി.ജോര്‍ജിന്റെ ആരോപണം പച്ചകള്ളമാണെന്നും മുന്‍ ഡിജിപി പറഞ്ഞു.താന്‍ ഒരു സാമൂഹിക വിരുദ്ധനു വേണ്ടിയും ഇടപെട്ടിട്ടില്ല. ചന്ദ്രബോസ് കൊലക്കേസ് പ്രതി മുഹമ്മദ് നിസാമടക്കം ആരുമായും ബന്ധമില്ല. നിഷാമിനു വേണ്ടി ആരെയും വിളിച്ചിട്ടില്ല. ചിലര്‍ വെറുതെ കഥയുണ്ടാക്കുകയാണ്. സംശയമുള്ളവര്‍ക്ക് തന്റെ മൊബൈല്‍ ഫോണ്‍ പരിശോധിക്കാമെന്നും കൃഷ്ണമൂര്‍ത്തി വ്യക്തമാക്കി. സസ്‌പെന്‍ഷനെക്കുറിച്ച് സംസാരിക്കാന്‍ എസ്പി: ജേക്കബ് ജോബ് തന്നെ വിളിച്ചിരുന്നുവെന്നും കൃഷ്ണമൂര്‍ത്തി പറഞ്ഞു.
മുഹമ്മദ് നിഷാമിനെ രക്ഷിക്കുന്നതിനു വേണ്ടി ഡിജിപി കെ.എസ്.ബാലസുബ്രഹ്മണ്യത്തിനു വേണ്ടി മുന്‍ ഡിജിപി: കൃഷ്ണമൂര്‍ത്തി ജേക്കബ് ജോബിനെ വിളിച്ചുവെന്ന് പി.സി.ജോര്‍ജ് ആരോപിച്ചിരുന്നു. ഇതിന് മറുപടിയായാണ് കൃഷ്ണമൂര്‍ത്തിയുടെ പ്രതികരണം. തൃശൂരിലെ വ്യവസായി വൈദീശ്വരനെ അറിയില്ല. ഇയാള്‍ ഉള്‍പ്പെട്ടിട്ടുള്ള തട്ടിപ്പുകേസില്‍ ഇടപെട്ടിട്ടുമില്ല- കൃഷ്ണമൂര്‍ത്തി കൂട്ടിച്ചേര്‍ത്തു. രണ്ടര കോടിയുടെ മറ്റൊരു തട്ടിപ്പുകേസിലും കൃഷ്ണമൂര്‍ത്തി ഇടപ്പെട്ടിരുന്നുവെന്ന് പി.സി.ജോര്‍ജ് മുഖ്യമന്ത്രിക്ക് നല്‍കിയ കത്തില്‍ ആരോപിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha