കേരളത്തെ ഞെട്ടിച്ച കാസര്കോട് പെരിയ ഇരട്ടക്കൊലപാതകത്തിന് ഒരാണ്ട്... സി.ബി ഐ അന്വേഷണത്തില് കോടതിയില് നിന്നും അനുകൂല തീരുമാനമുണ്ടാവുമെന്ന പ്രതീക്ഷയോടെ കുടുംബം
കേരളത്തെ ഞെട്ടിച്ച കാസര്കോട് പെരിയ ഇരട്ടക്കൊലപാതകത്തിന് ഒരാണ്ട്. യൂത്ത് കോണ്ഗ്രസ് പ്രവര്ത്തകരായ ശരത് ലാലും കൃപേഷും കൊല്ലപ്പെട്ട് ഒരു വര്ഷം പൂര്ത്തിയാവുമ്ബോഴും കേസ് എങ്ങുമെത്തിയിട്ടില്ല. സി.ബി ഐ അന്വേഷണത്തില് കോടതിയില് നിന്നും അനുകൂല തീരുമാനമുണ്ടാവുമെന്ന പ്രതീക്ഷയോടെ കുടുംബം. കഴിഞ്ഞ വര്ഷം ഫെബ്രുവരി പതിനേഴിന് പെരിയ കല്യോട്ട് വച്ചാണ് ശരത് ലാലും കൃപേഷും കൊല്ലപ്പെടുന്നത്. കല്യോട്ട് പെരുങ്കളിയാട്ടത്തിന്റെ സ്വാഗത സംഘ രൂപീകരണം കഴിഞ്ഞു മടങ്ങവേ അക്രമിസംഘം ഇരുവരേയും വെട്ടി വീഴ്ത്തുകയായിരുന്നു.
തലയ്ക്ക് വെട്ടേറ്റ കൃപേഷ് സംഭവ സ്ഥലത്തും ശരത് ലാല് ആശുപത്രിയിലേക്ക് കൊണ്ടുപോകുമ്ബോഴുമാണ് മരിച്ചത്. മുഖ്യ പ്രതി അടക്കം പതിനൊന്ന് പേരെ മൂന്ന് ദിവസത്തിനകം ലോക്കല് പൊലീസ് പിടികൂടി. അന്വേഷണം പിന്നീട് ക്രൈം ബ്രാഞ്ച് ഏറ്റെടുത്തു. മെയ് 20 ന് 14 പേരെ പ്രതി ചേര്ത്ത് ക്രൈംബ്രാഞ്ച് സംഘം കുറ്റപത്രം കോടതിയില് നല്കി.
https://www.facebook.com/Malayalivartha