ഇനി അത് വേറെ... അനൂപ് ജേക്കബ് വിശ്വസിക്കാന് കൊള്ളാത്തവന്, താന് മാത്രം എം.എല്.എ. ആയാല് മതിയെന്ന ധിക്കാരം ഇനി നടപ്പില്ല; യു.ഡി.എഫിന്റെ അനുനയവും ഫലിച്ചില്ല; അനൂപ് ജേക്കബും ജോണി നെല്ലൂരും പിളര്ന്ന് രണ്ടു വഴിക്ക്; രണ്ട് ഗ്രൂപ്പുകാരും വെവ്വേറെ യോഗം കൂടുന്നു
വളരുംതോറും പിളരുമെന്ന കേരള കോണ്ഗ്രസിന്റെ ചരിത്രം ഓര്മപ്പെടുത്തി കേരള കോണ്ഗ്രസ് (ജേക്കബ്) വിഭാഗം രണ്ടായി പിരിഞ്ഞു. യു.ഡി.എഫിന്റെ അനുനയ നീക്കങ്ങളെ തളളിക്കൊണ്ടാണ് ജേക്കബ് വിഭാഗം ചെയര്മാന് ജോണി നെല്ലൂരും പാര്ട്ടി ലീഡര് അനൂപ് ജേക്കബും രണ്ടുവഴിക്കു നീങ്ങിയത്. ഇരുവിഭാഗവും ഇന്നു കോട്ടയത്തു സംസ്ഥാന നേതൃയോഗം വിളിച്ചാണ് പിരിഞ്ഞത്. അനൂപ് ജേക്കബിന്റെ നേതൃത്വത്തില് പാര്ട്ടി സംസ്ഥാന കമ്മറ്റി ഓഫീസിലും ജോണി നെല്ലൂരിന്റെ നേതൃത്വത്തില് പബ്ലിക് ലൈബ്രറി ഹാളിലുമാണ്യോഗം ചേര്ന്നത്. പിളര്ന്ന ജോണിനെല്ലൂര് ഗ്രൂപ്പ് ജോസഫ് പക്ഷത്തേക്കാണ് നീങ്ങുന്നത്. ജോസഫുമായുള്ള ലയന പ്രഖ്യാപനവും ജോണി നെല്ലൂര് നടത്തി.
ജേക്കബ് ഗ്രൂപ്പ് ചെയര്മാന് എന്ന നിലയില് സംസ്ഥാന സമിതി വിളിക്കാനുളള അവകാശം തനിക്കാണെന്നും അതിനാല് അച്ചടക്കലംഘനം നടത്തിയാല് അനൂപിനെതിരേ നടപടി സ്വീകരിക്കുമെന്നുമാണ് ജോണി നെല്ലൂരിന്റെ അവകാശവാദം. എന്നാല് പാര്ട്ടി ലീഡര് എന്ന നിലയില് സംസ്ഥാന കമ്മറ്റി വളിക്കാനുളള അവകാശം തനിക്കാണെന്ന് അനൂപ് ജേക്കബ് പറയുന്നു. ഇന്നത്തെ യോഗത്തില് ഇരുവിഭാഗവും പരസ്പരം അച്ചടക്ക നടപടി സ്വീകരിച്ചു. പതിമൂന്നു ജില്ലാ പ്രസിഡന്റുമാര് ഒപ്പമുണ്ടെന്ന് അനൂപ് ജേക്കബും എട്ടു ജില്ലാ പ്രസിഡന്റുമാര് തനിക്കൊപ്പമുണ്ടെന്ന് ജോണി നെല്ലൂരും അവകാശപ്പെടുന്നു. കേരള കോണ്ഗ്രസി (എം) ലെ ജോസഫ് വിഭാഗവുമായുളള ലയന നീക്കമാണ് ജേക്കബ് ഗ്രൂപ്പിലെ പൊട്ടിത്തെറിക്ക് വഴിയൊരുക്കിയത്.
ജോണി നെല്ലൂരിനെ അനുകൂലിക്കുന്നവര് ജോസഫുമായി ലയിക്കണമെന്ന നിലപാടാണ് സ്വീകരിച്ചിരിക്കുന്നത്. ഈ തീരുമാനം ഇന്നത്തെ യോഗത്തില് ജോണി നെല്ലൂര് പ്രഖ്യാപിച്ചു. എന്നാല് ലയനം വേണ്ടെന്നാണ് അനൂപ് ജേക്കബിന്റെ നേതൃത്വത്തിലുള്ളവരുടെ നിലപാട്. ഇതിനെയാണ് തള്ളിയത്.
അനൂപ് ജേക്കബും ആദ്യം ലയനത്തിന് അനുകൂലമായിരുന്നെന്നാണു ജോണി നെല്ലൂര് ചൂണ്ടിക്കാട്ടുന്നത്. എന്നാല്, യാതൊരുവിധ ലയന ചര്ച്ചകളും നടന്നിട്ടില്ലെന്നും പാര്ട്ടിയിലെ ബഹുഭൂരിപക്ഷവും ലയനനീക്കത്തെ എതിര്ക്കുകയാണെന്നുമാണ് അനൂപ് ജേക്കബ് പറയുന്നത്. കേരള കോണ്ഗ്രസ് മാണി ഗ്രൂപ്പില് ജോസ്ജോസഫ് വിഭാഗങ്ങള് തമ്മിലുള്ള ഭിന്നതയ്ക്കു പിന്നാലെ കേരള കോണ്ഗ്രസ് ജേക്കബ് ഗ്രൂപ്പിലെ ഏറ്റുമുട്ടലും യു.ഡി.എഫിന് കടുത്ത തലവേദനയാണ് സൃഷ്ടിച്ചിരിക്കുന്നത്. ജോണി നെല്ലൂര് യു.ഡി.എഫ്.ഏകോപന സമിതി സെക്രട്ടറി കൂടിയാണ്. അതിനാല് ജോണി നെല്ലൂര് എടുക്കുന്ന രാഷ്ട്രീയ നിലപാട് യു.ഡി.എഫ്ഗൗരവമായി ചര്ച്ച ചെയ്യേണ്ടി വരും.
കേരള കോണ്ഗ്രസ് ജേക്കബ് ഗ്രൂപ്പ് ജോസഫ് ഗ്രൂപ്പില് ലയിക്കുമെന്നു പാര്ട്ടി ചെയര്മാന് ജോണി നെല്ലൂര് ഇന്നലെ കോട്ടയത്തു പറഞ്ഞിരുന്നു. എതിര്പ്പ് പ്രകടിപ്പിക്കുന്ന അനൂപ് ജേക്കബിനെതിരേ പാര്ട്ടി നടപടി സ്വീകരിക്കും. പാര്ട്ടിയെ നശിപ്പിക്കാനാണു അനൂപിന്റെ നീക്കം. അത് അനുവദിക്കില്ല. ഗീബല്സിനെകാള് വലിയ കള്ളം പ്രചരിപ്പിക്കുകയാണ് അനൂപ്. പാര്ട്ടിയില് ഭൂരിപക്ഷവും തന്നോടൊപ്പമാണന്നും ജോണി പത്രസമ്മേളനത്തില് പറഞ്ഞു. നാല് എം.എല്.എമാര് ഉണ്ടായിരുന്ന ജേക്കബ് ഗ്രൂപ്പിനെ ഒരു എം.എല്.എ. മാത്രമുള്ള പാര്ട്ടി ആക്കി മാറ്റിയത് അനൂപിന്റെ കുടിലതന്ത്രമാണ്.
താന് മാത്രം എം.എല്.എ. ആയാല് മതിയെന്ന ധിക്കാരം ഇനി നടപ്പില്ല. അനൂപ് ജേക്കബ് വിശ്വസിക്കാന് കൊള്ളാത്തവനാണ്. പുനലൂരിലും ഉടുമ്പന്ചോലയിലും തനിക്ക് സീറ്റ് നല്കാന് തയാറായിരുന്നു. എന്നാല് സീറ്റ് വേണ്ട എന്നു താന് പറഞ്ഞതായി അനൂപ് കള്ളം പ്രചരിപ്പിക്കുകയാണ്. യഥാര്ഥ കേരള കോണ്ഗ്രസിലാണ് ലയിക്കുന്നതെന്നും ജോണി നെല്ലൂര് പറഞ്ഞു.
https://www.facebook.com/Malayalivartha