എതിര്പ്പ് രേഖപ്പെടുത്തുന്നവരെ അവര് കൊല്ലുന്നു; എഴുത്തുകാരെയും കലാകാരന്മാരെയും അവര് ഭീഷണിപ്പെടുത്തുന്നു; തനിക്കും ഭീഷണികള് നേരിട്ടിട്ടുണ്ട്; എന്നാല് മുട്ടുമടക്കാന് തീരുമാനിച്ചിട്ടില്ല; വിമർശനവുമായി മാമുക്കോയ
ഫാസിസ്റ്റുകള്ക്ക് മുന്നില് അഡ്ജസ്റ്റ്മെന്റ് ജീവിതത്തിന് തയ്യാറല്ലെന്ന് മാമുക്കോയ. പൗരത്വ ഭേദഗതി നിയമത്തിനെതിരെ രൂക്ഷ വിമർശനമാണ് അദ്ദേഹം നടത്തിയിരിക്കുന്നത്. ജീവനെ ഭയപ്പെടുന്നവരാണ് ഫാസിസ്റ്റുകള്ക്കൊപ്പം നില്ക്കുന്നതെന്നും അദ്ദേഹം പറഞ്ഞു. എതിര്പ്പ് രേഖപ്പെടുത്തുന്നവരെ അവര് കൊല്ലുകയാണ്. ഇത്തരത്തില് എഴുത്തുകാരെയും കലാകാരന്മാരെയും അവര് ഭീഷണിപ്പെടുത്തുന്നുവെന്നും ചൂണ്ടിക്കാട്ടിയ അദ്ദേഹം തനിക്കും ഭീഷണികള് നേരിട്ടിട്ടുണ്ടെന്നും എന്നാല് മുട്ടുമടക്കാന് തീരുമാനിച്ചിട്ടില്ലെന്നും മാമുക്കോയ പറഞ്ഞു. മുസ്ലിം യൂത്ത് ലീസ് സംസ്ഥാന കമ്മിറ്റി കോഴിക്കോട് സംഘടിപ്പിച്ച ഷഹീന് ബാഗ് സ്ക്വയറില് സംസാരിക്കുകയായിരുന്നു മാമുക്കോയ. തലപോകാന് നില്ക്കുമ്പോള് കയ്യിന്റെയും വിരലിന്റെയും കാര്യം ആലോചിച്ചു ഭയന്നിട്ടു കാര്യമില്ലെന്നാണ് മാമുക്കോയ മറ്റൊരു പ്രതിഷേധ പരിപാടിയില് വ്യക്തമാക്കിയിരുന്നു .
ഒരു പേപ്പട്ടി കടിക്കാന് വന്നാല് എന്ത് ചെയ്യുമെന്ന നമ്മള് യോഗം കൂടി തീരുമാനിക്കാറില്ല, എന്താണോ വേണ്ടതെന്ന് അത് തന്നെ മനുഷ്യൻമാര് ചെയ്യും. 20 കോടി ജനങ്ങളെ നിങ്ങള്ക്ക് ഒരു ചുക്കും ചെയ്യാന് സാധിക്കില്ലെന്നും അദ്ദേഹം പറഞ്ഞു. ഇന്ത്യയിലെ റോഡുകളുടെയും സ്ട്രീറ്റുകളുടെയും പേരുമാറ്റിയാണ് ഇവര് തുടങ്ങിയത്. എന്റെ ബാപ്പയുടെ ബാപ്പയുടെ കാലം മുതല് ഞങ്ങളിവിടെ ജീവിക്കുന്നുണ്ടെന്നും ഇനിയും ഇവിടെ തന്നെ തുടരും സ്ഥലം ഒരുത്തന്റേയും കുത്തകയല്ല എന്നും അദ്ദേഹം പറഞ്ഞു.
https://www.facebook.com/Malayalivartha