അതിര്ത്തി കടന്ന് വയ്ക്കോല് ലോറികള് എത്തിത്തുടങ്ങി
മന്ത്രി കെ. രാജുവിന്റെ നേതൃത്വത്തില് നടത്തിയ യോഗം ഫലം കണ്ടു. തമിഴ്നാട്ടില് നിന്നും അതിര്ത്തി കടന്ന് വയ്ക്കോല് ലോറികള് എത്തിത്തുടങ്ങി. അവിടെ ലോഡ് കയറ്റിക്കിടന്ന ലോറികളാണ് ഇന്നലെ മുതല് കേരളത്തിലേക്ക് എത്താന് തുടങ്ങിയത്. കഴിഞ്ഞദിവസം നടന്ന യോഗത്തിലാണ് വയ്ക്കോല് ലോറികള്ക്ക് അതിര്ത്തി കടന്നു വരാന് തടസ്സമില്ലെന്ന് അറിയിച്ചത്.
വയ്ക്കോല് ലോഡ് കയറ്റി പുളിങ്കുടി, കടയനല്ലൂര്, ആലംകുളി, പാവൂര്സത്രം, ചുരണ്ട എന്നിവിടങ്ങളില് ലോറികള് കിടപ്പുണ്ട്. വരും ദിവസങ്ങളില് കുടുതല് വയ്ക്കോല് വാഹനങ്ങള് എത്തും.
കേരളത്തിന്റെ ഭാഗത്ത് തടസ്സമില്ലെന്ന് അറിഞ്ഞതോടെ ലോഡ് കയറ്റാനുള്ള ശ്രമത്തിലാണ് വയ്ക്കോല് ഏജന്റുമാര്. തമിഴ്നാട്ടില് നിന്നാണ് കൊല്ലം, ആലപ്പുഴ, പത്തനംതിട്ട, തിരുവനന്തപുരം, കോട്ടയം ജില്ലകളിലേക്ക് വയ്ക്കോല് എത്തുന്നത്.
https://www.facebook.com/Malayalivartha