ഓമനിച്ച് കൊഞ്ചിച്ചു വളര്ത്തിയ നായക്ക് കൊറോണയുണ്ടൊ എന്ന് സംശയം; കോഴഞ്ചേരി അയിരൂര് ഇടപ്പാവൂര് സ്വദേശിയായ രോഗിയുടെ നായ നിരീക്ഷണത്തില്
ദുബായില്നിന്ന് മാര്ച്ച് 22-ന് എത്തിയ ആളുടെ നായക്ക് കൊറോണ ഉണ്ടൊ എന്ന സംശയം. കൊറോണരോഗം സ്ഥിരീകരിച്ചയാള് ഓമനിച്ചു വളര്ത്തുന്ന നായയായതിനാലാണ് ഇപ്പോള് നിരീക്ഷണത്തിലാക്കിയിരിക്കുന്നത്. ദുബായില്നിന്ന് വന്ന കോഴഞ്ചേരി അയിരൂര് ഇടപ്പാവൂര് സ്വദേശിയുടെ പരിശോധനാഫം ബുധനാഴ്ച പോസിറ്റീവായതോടുകൂടിയാണ്. ഇയാള് എപ്പോഴും എടുത്തോണ്ട് നടന്നിരുന്ന നായയിലും കൊവിഡ് ഉണ്ടൊ എന്ന സംശയം വന്നുതുടങ്ങിയത്. ദുബായില്നിന്ന് മാര്ച്ച് 22-ന് എത്തിയ ഇദ്ദേഹം വീട്ടില് നിരീക്ഷണത്തിലായിരുന്നു. പ്രകടമായ രോഗലക്ഷണങ്ങളുണ്ടായില്ല. സ്രവ പരിശോധനയില് രോഗം സ്ഥിരീകരിച്ചതോടെ പത്തനംതിട്ട ജനറല് ആശുപത്രിയിലേക്ക് മാറ്റി. വീട്ടില് നിരീക്ഷത്തിലുള്ള സമയത്താണ് വളര്ത്തുനായ രോഗിയുമായി അടുത്ത് ഇടപഴകിയത്. കടുവകള്ക്കും മറ്റും മനുഷ്യസമ്പര്ക്കത്തിലൂടെ കൊറോണ സ്ഥിരീകരിച്ചത് അറിഞ്ഞതോടെയാണ് ആരോഗ്യവകുപ്പ് അയിരൂരിലെ രോഗിയുടെ വീട്ടിലെ നായയെയും നിരീക്ഷണത്തിലാക്കിയത്.
അതേസമയം കൊവിഡ് 19 മനുഷ്യനില് നിന്ന് കുരങ്ങുകളിലേക്ക് വ്യാപിക്കാമെന്ന് സംശയമുണ്ടെന്ന് മുഖ്യമന്ത്രി പിണറായി വിജയന് വ്യക്തമാക്കുകയുണ്ടായി. അതിനാല് കുരങ്ങുകള്ക്ക് ഭക്ഷണം നല്കുന്നവര്ക്ക് രോഗലക്ഷണം ഇല്ലായെന്ന് ഉറപ്പുവരുത്തണം. ആവശ്യമായ എല്ലാ മുന്കരുതലും സ്വീകരിക്കണം. നിശ്ചിത ആളുകള് മാത്രം ഭക്ഷണം നല്കുന്നതാണ് നല്ലത് എന്നും മുഖ്യമന്ത്രി നിര്ദേശിച്ചു.
കാടിനോട് അടുത്ത പ്രദേശങ്ങളില് കുരങ്ങുപനി റിപ്പോര്ട്ട് ചെയ്തിട്ടുണ്ട്. അത്തരം മേഖലകളില് കുരങ്ങില് നിന്ന് വിട്ടുനില്ക്കാന് ആളുകള് പ്രത്യേകം ശ്രദ്ധിക്കണം. വേനല്ക്കാലമാണ് കാട്ടുതീ പടരാതിരിക്കാന് ശ്രദ്ധിക്കണം. വനംവകുപ്പ് ഇക്കാര്യത്തില് വേണ്ട നടപടി സ്വീകരിക്കണം എന്നും മുഖ്യമന്ത്രി പറഞ്ഞിരുന്നു.
https://www.facebook.com/Malayalivartha