ലോക്ക്ഡൗണില് നിയന്ത്രിത ഇളവുകള് വരുത്തിയ സംസ്ഥാന സര്ക്കാര് തീരുമാനം നിലവില് വന്നു! കണ്ണട കടകള്, ഫ്രിഡ്ജ്, വാഷിംഗ് മെഷീന്, മിക്സി റിപ്പയറിംഗ് എന്നീ കടകള് ഇന്ന് തുറന്നു പ്രവര്ത്തിക്കും; സാമൂഹിക അകലം കര്ശനമായി പാലിക്കണം...കൂടുതൽ വിവരങ്ങൾ ഇങ്ങനെ...
കൊറോണ പ്രതിരോധത്തിന്റെ ഭാഗമായി പ്രഖ്യാപിച്ച ലോക്ക്ഡൗണില് നിയന്ത്രിത ഇളവുകള് വരുത്തിയ സംസ്ഥാന സര്ക്കാര് തീരുമാനം നിലവില് വന്നു. സര്ക്കാര് തീരുമാനപ്രകാരം കണ്ണട കടകള്, ഫ്രിഡ്ജ്, വാഷിംഗ് മെഷീന്, മിക്സി റിപ്പയറിംഗ് എന്നീ കടകള് ഇന്ന് തുറന്നു പ്രവര്ത്തിക്കും. രാവിലെ 10 മുതല് വൈകീട്ട് അഞ്ച് വരെയാണ് പ്രവര്ത്തന സമയം. കടകളില് ആള്ക്കൂട്ടം ഉണ്ടാകരുതെന്നും സാമൂഹിക അകലം കര്ശനമായി പാലിക്കണമെന്നും നിര്ദേശമുണ്ട്. നിയന്ത്രിത ഇളവിന്റെ ഭാഗമായി ബുക്ക് ഷോപ്പുകള് നാളെ തുറക്കും. ബാര്ബര് ഷോപ്പുകള് തുറന്നു പ്രവര്ത്തിക്കുന്നതില് സര്ക്കാര് ഇന്ന് തീരുമാനമെടുത്തേക്കും. വര്ക്ക് ഷോപ്പുകള്, സ്പെയര് പാര്ട്സ് കടകള് തുടങ്ങിയ ഞായര്, വ്യാഴം ദിവസങ്ങളില് ( ആഴ്ചയില് രണ്ടുദിവസം) തുറക്കാന് സര്ക്കാര് തീരുമാനിച്ചിരുന്നു. മൊബൈല് കടകള് ഞായറാഴ്ച തുറക്കാനും സര്ക്കാര് അനുമതി നല്കിയിട്ടുണ്ട്.
അതേസമയം കേരളത്തിന് ഏറെ ആശ്വാസം നല്കിയ ദിവസമായിരുന്നു കഴിഞ്ഞ ദിവസം. കോവിഡ് 19 ബാധിച്ച 36 പേര് കൂടി രോഗമുക്തി നേടിയതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര് അറിയിച്ചു. കാസര്ഗോഡ് ജില്ലയിലെ 28 പേരുടേയും (കണ്ണൂര് ജില്ലയില് ചികിത്സയിലായിരുന്ന 2 പേര്) മലപ്പുറം ജില്ലയിലെ 6 പേരുടേയും കോഴിക്കോട്, ഇടുക്കി ജില്ലകളിലെ ഓരോരുത്തരുടേയും പരിശോധനാ ഫലമാണ് നെഗറ്റീവായത്. ഇതോടെ നിലവില് 194 പേരാണ് സംസ്ഥാനത്തെ വിവിധ ആശുപത്രികളില് ചികിത്സയിലുള്ളത്. 179 പേരാണ് ഇതുവരെ കോവിഡില് നിന്നും രോഗമുക്തി നേടിയത്.
ഇന്നലെ 2 പേര്ക്കാണ് കോവിഡ് 19 സ്ഥിരീകരിച്ചത്. കണ്ണൂര്, പത്തനംതിട്ട ജില്ലകളിലുള്ളവര്ക്കാണ് രോഗം സ്ഥിരീകരിച്ചത്. കണ്ണൂര് ജില്ലയിലുള്ളയാള് ദുബായില് നിന്നും പത്തനംതിട്ടയിലുള്ളയാള് ഷാര്ജയില് നിന്നും വന്നതാണ്. സംസ്ഥാനത്തെ വിവിധ ജില്ലകളിലായി 1,16,941 പേര് നിരീക്ഷണത്തിലാണ്. ഇവരില് 1,16,125 പേര് വീടുകളിലും 816 പേര് ആശുപത്രികളിലും നിരീക്ഷണത്തിലാണ്. 176 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. രോഗലക്ഷണങ്ങള് ഉള്ള 14,989 വ്യക്തികളുടെ സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 13,802 സാമ്പിളുകളുടെ പരിശോധനാ ഫലം നെഗറ്റിവ് ആണ്.
https://www.facebook.com/Malayalivartha