തിരുവനന്തപുരത്തുനിന്ന് ബഹ്റൈനിലേക്ക് വീണ്ടും പ്രത്യേക സര്വിസ് നടത്താന് എയര് ഇന്ത്യ എക്സ്പ്രസ് തീരുമാനം... ഓണ്ലൈന് ബുക്കിങ് ഉടനെന്ന് സൂചന
തിരുവനന്തപുരത്തുനിന്ന് ബഹ്റൈനിലേക്ക് വീണ്ടും പ്രത്യേക സര്വിസ് നടത്താന് എയര് ഇന്ത്യ എക്സ്പ്രസ് തീരുമാനം. . മേയ് 22ന് തിരുവനന്തപുരത്തേക്ക് പ്രവാസികളെ തിരിച്ചുകൊണ്ടുപോകാന് എത്തുന്ന വിമാനമാണ് ഇതിനായി ഉപയോഗിക്കുക എന്നാണ് റിപോര്ട്ടുകള്.. മുംബൈയില്നിന്ന് മേയ് 19നും സര്വിസ് ഉണ്ടാകും. ഈ സര്വിസുകള്ക്കുള്ള ഓണ്ലൈന് ബുക്കിങ് ഉടന് ആരംഭിക്കും എന്നാണ് ലഭ്യമാകുന്ന സൂചന. മേയ് 11ന് തിരുവനന്തപുരത്തുനിന്ന് പ്രത്യേക സര്വിസ് നടത്തിയിരുന്നു. ബഹ്റൈനില്നിന്ന് കോഴിക്കോേട്ടക്ക് സര്വിസ് നടത്താന് എത്തിയ വിമാനമാണ് ഇതിന് ഉപയോഗിച്ചത്. ബഹ്റൈന് പൗരന്മാര്ക്കും സാധുവായ െറസിഡന്റ് പെര്മിറ്റ് ഉള്ളവര്ക്കുമാണ് അന്ന് അതില് യാത്ര അനുമതി നല്കിയത്. ഇനി നടത്തുന്ന പ്രത്യേക സര്വിസുകള്ക്കും ഇതുതന്നെയായിരിക്കും മാനദണ്ഡം എന്നാണറിയാന് കഴിയുന്നത്. . വന്ദേ ഭാരത് ദൗത്യത്തിന്റെ രണ്ടാം ഘട്ടത്തില് ബഹ്റൈനില്നിന്ന് കേരളത്തിലേക്കുള്ള ഏക സര്വിസ് തിരുവനന്തപുരത്തേക്കാണ്. മറ്റൊന്ന് മേയ് 19ന് ഹൈദരാബാദിലേക്കും.
ബഹ്റൈനിലേക്ക് അടിയന്തരമായി എത്താന് കാത്തുനില്ക്കുന്നവര്ക്ക് ഇങ്ങോട്ടുള്ള പ്രത്യേക സര്വിസ് അനുഗ്രഹമാണ്. എന്നാല്, കഴിഞ്ഞ സര്വിസ് ടിക്കറ്റ് നിരക്ക് കുത്തനെ ഉയര്ന്നത് പലര്ക്കും തിരിച്ചടിയായി. അരലക്ഷം രൂപ വരെ നിരക്ക് ഉയര്ന്നിരുന്നു. മേയ് 11ന് തിരുവനന്തപുരത്തുനിന്ന് ബഹ്റൈനിലേക്കുള്ള പ്രത്യേക സര്വിസ് മണിക്കൂറുകള് നീണ്ട അനിശ്ചിതത്വത്തിനൊടുവിലാണ് പുറപ്പെട്ടത്. തലേദിവസം രാത്രി ബഹ്റൈന് വിദേശകാര്യ മന്ത്രാലയം അധികൃതര് എയര് ഇന്ത്യ എക്സ്പ്രസ് അധികൃതരെ ബന്ധപ്പെട്ട് എല്ലാ യാത്രക്കാരുടെയും പാസ്പോര്ട്ട് വിശദാംശങ്ങള് ആവശ്യപ്പെടുകയായിരുന്നു. ടിക്കറ്റ് ബുക്ക് ചെയ്തവര് ഇവിടെ ഇറങ്ങാന് അര്ഹരാണോ എന്ന് അറിയുന്നതിനായിരുന്നു ഇത്. ബഹ്റൈനില് എത്തിയശേഷം തിരിച്ചുവിടേണ്ട സാഹചര്യം ഒഴിവാക്കുകയായിരുന്നു ലക്ഷ്യം. എന്നാല്, ടിക്കറ്റ് എടുത്തവരില്നിന്ന് പാസ്പോര്ട്ട് വിവരങ്ങള് എയര് ഇന്ത്യ എക്സ്പ്രസ് ശേഖരിച്ചിരുന്നില്ല. തുടര്ന്ന്, തിങ്കളാഴ്ച രാവിലെ തിരുവനന്തപുരം എയര് ഇന്ത്യ എക്സ്പ്രസ് അധികൃതര് ഓരോ യാത്രക്കാരനെയും ബന്ധപ്പെട്ട് പാസ്പോര്ട്ട് വിവരങ്ങള് ശേഖരിച്ച് ബഹ്റൈന് വിദേശകാര്യ മന്ത്രാലയം അധികൃതര്ക്ക് കൈമാറി. അവര് നടത്തിയ പരിശോധനയില് ആറ് പേര്ക്ക് യാത്രാനുമതി ലഭിച്ചില്ല.
https://www.facebook.com/Malayalivartha