അംബാനി-അദാനി ഇടപാട് പരിഹാസവുമായി ബന്ധപ്പെട്ട് പ്രധാനമന്ത്രി നരേന്ദ്ര മോദിക്കെതിരെ രാഹുല് ഗാന്ധി
അംബാനി-അദാനി ഇടപാട് പരിഹാസവുമായി ബന്ധപ്പെട്ട് പ്രധാനമന്ത്രി നരേന്ദ്ര മോദിക്കെതിരെ ആഞ്ഞടിച്ച് പ്രതികരിച്ച് രാഹുല് ഗാന്ധി. 'നമസ്കാര് മോദിജി, നിങ്ങള്ക്ക് പേടിയുണ്ടോ' എന്നായിരുന്നു വീഡിയോ സന്ദേശത്തില് രാഹുല് ഗാന്ധി ചോദിച്ചത്.'സാധാരണയായി നിങ്ങള് അടഞ്ഞ വാതിലിനു പിന്നിലാണല്ലോ അംബാനി, അദാനി എന്നിവയെക്കുറിച്ച് സംസാരിക്കുന്നത്. നിങ്ങള് ആദ്യമായി 'അംബാനി', 'അദാനി' എന്ന് പരസ്യമായി പറഞ്ഞു,' രാഹുല് ഗാന്ധി പറഞ്ഞു.
'എനിക്ക് തെലങ്കാനയുടെ മണ്ണില് നിന്ന് ചോദിക്കാന് ആഗ്രഹമുണ്ട്, അംബാനി-അദാനിയില് നിന്ന് എത്ര തുക പിരിച്ചെടുത്തെന്ന് ഷെഹ്സാദ (രാഹുല് ഗാന്ധിയെ പരാമര്ശിച്ച്) പറയട്ടെ. ടെമ്പോ ലോഡ് കറന്സികള് കോണ്ഗ്രസില് എത്തിയോ? എന്ത് ഇടപാടിലാണ് എത്തിയിരിക്കുന്നത്? അംബാനി-അദാനി വിമര്ശിക്കുന്നത് ഒറ്റ രാത്രികൊണ്ട് നിര്ത്തിയോ? തെലുങ്കാനയില് ഒരു റാലിയെ അഭിസംബോധന ചെയ്തുകൊണ്ട് പ്രധാനമന്ത്രി മോദി പറഞ്ഞു.
'അവര് ടെമ്പോകളില് പണം നല്കുന്നുണ്ടെന്ന് നിങ്ങള്ക്കറിയാം. ഇത് നിങ്ങളുടെ വ്യക്തിപരമായ അനുഭവമാണോ?' പ്രധാനമന്ത്രിയുടെ പരിഹാസത്തിന് മറുപടിയായി രാഹുല് ഗാന്ധി പറഞ്ഞു,
വ്യവസായികളുടെ അടുത്തേക്ക് എന്ഫോഴ്സ്മെന്റ് ഡയറക്ടറേറ്റും സിബിഐയും അയക്കാനും രാഹുല് ഗാന്ധി പ്രധാനമന്ത്രി മോദിയോട് ആവശ്യപ്പെട്ടു.എത്രയും വേഗം അന്വേഷണം നടത്തണമെന്നും രാഹുല് ഗാന്ധി പറഞ്ഞു. 'ഞാന് വീണ്ടും പറയാന് ആഗ്രഹിക്കുന്നു: നരേന്ദ്ര മോദി ഈ വ്യവസായികള്ക്ക് നല്കിയ പണം, കോണ്ഗ്രസ് രാജ്യത്തെ പാവപ്പെട്ടവര്ക്ക് നല്കും. ബിജെപി 22 കോടിപതികളെ ഉണ്ടാക്കി, ഞങ്ങള് കോടിക്കണക്കിന് കോടീശ്വരന്മാരെ ഉണ്ടാക്കും' രാഹുല് ഗാന്ധി പറഞ്ഞു.
https://www.facebook.com/Malayalivartha