സാമ്പത്തിക ഇടപാട്: തമിഴ്നാട് സ്വദേശിയെ വിളിച്ചുവരുത്തി കെട്ടിയിട്ടു; ഒരാള് അറസ്റ്റില്
എറണാകുളം കീഴ്മാട് പഞ്ചായത്തിലെ കോട്ടേക്കാട് പാടശേഖരത്തിനു നടുവിലെ വീട്ടിലേക്ക് തമിഴ്നാട് സ്വദേശിയെ ലോക്ഡൗണ് കാലത്തു ഫോണ് ചെയ്തു വരുത്തി കെട്ടിയിട്ട സംഭവത്തില് പേയാട് വിളപ്പില്ശാല അഞ്ജനത്തില് മുരളീകൃഷ്ണനെ (33) പൊലീസ് അറസ്റ്റ് ചെയ്തു. സ്വര്ണം നല്കാമെന്നു പറഞ്ഞ് 7 ലക്ഷം രൂപ കബളിപ്പിച്ചതിന്റെ പ്രതികാരമായിരുന്നെന്ന് പറയപ്പെടുന്നു.
6 പ്രതികളുള്ള കേസില് 2 പേര് പൊലീസിന്റെ നിരീക്ഷണത്തിലാണ്. മുരളീകൃഷ്ണന്റെ പക്കല് നിന്ന് ആയുധങ്ങള് കണ്ടെടുത്തു. ഇയാള്ക്കൊപ്പം ഉണ്ടായിരുന്ന 6 വയസ്സുള്ള ആണ്കുട്ടിയെ പൊലീസ് സുരക്ഷിത സ്ഥലത്തേക്കു മാറ്റി.
'റെഡ് സോണി'ല് നിന്നു പാസ് ഇല്ലാതെ കാറിലും ബൈക്കിലും ഊടുവഴികള് താണ്ടി ആലുവയില് എത്തിയ തമിഴ്നാട് സേലം സ്വദേശി ധനസിങ്ങിനെ ക്വാറന്റീനിലാക്കണമെന്ന് പഞ്ചായത്ത് അധികൃതര് പൊലീസിനു കത്തു നല്കി.
ലോക്ഡൗണിനു മുന്പു നടന്ന സാമ്പത്തിക ഇടപാടാണിത്. പരാതിക്കാരനും പ്രതികളും സ്വര്ണത്തട്ടിപ്പു നടത്തുന്ന സംഘങ്ങളുടെ ഏജന്റുമാരാണെന്നു പൊലീസ് സംശയിക്കുന്നു. എടത്തല സിഐ പി.ജെ. നോബിളാണ് കേസ് അന്വേഷിക്കുന്നത്.
https://www.facebook.com/Malayalivartha