മെയ്ക്ക് ഇന് ഇന്ത്യ കരുത്തില് അഭിമാനമായി 12000 എച്ച്പി ഇലക്ട്രിക് ട്രെയിന്; ലോക രാജ്യങ്ങള്ക്കിടയില് ഇന്ത്യന് റെയില്വേയ്ക്കും അഭിമാനനേട്ടം
ഇന്ത്യന് റെയില്വേയ്ക്ക് അഭിമാനനേട്ടമാണ് ഇപ്പോള് ഇന്ത്യന് റെയില്വൈ കൈവരിച്ചിരിക്കുന്നത്. മെയ്ക്ക് ഇന് ഇന്ത്യ പദ്ധതിയിലൂടെയാ ഈ അഭിമാന നേട്ടം കൈവരിക്കപ്പെട്ടിരിക്കുന്നത്. ഡബ്ല്യുഎജി 12 ബി എന്ന ഈ കരുത്തന് ഇലക്ട്രിക് ട്രെയിനാണ് ഈ നേട്ടത്തിന് കാരണം. കേന്ദ്രസര്ക്കാരിന്റെ മെയ്ക്ക് ഇന് ഇന്ത്യ പദ്ധതിയിലൂടെ പൂര്ണമായും ഇന്ത്യയില് നിര്മിച്ച 12000 എച്ച്പി ഇലക്ട്രിക് ട്രെയിന് ട്രാക്കിലിറങ്ങിയത് അടുത്തിടെയാണ്. ലോക രാജ്യങ്ങള്ക്കിടയില് ഇന്ത്യന് റെയില്വേയ്ക്ക് അഭിമാനനേട്ടമാണ് ഈ കരുത്തന് സമ്മാനിച്ചത്. ഇതോടെ ഏറ്റവും കരുത്തുകൂടിയ എന്ജിനുകള് ഉപയോഗിക്കുന്ന ലോകത്തെ ആറാമത്തെ രാജ്യമായി മാറി ഇന്ത്യ.
ഉത്തര്പ്രദേശിലെ ദീന്ദയാല് ഉപാധ്യായ- ശിവ്പുര് സ്റ്റേഷനുകള്ക്കിടയില് ആയിരുന്നു ഡബ്ല്യുഎജി 12 സീരിസിലെ രണ്ടാമത്തെ ട്രെയിനായ ഡബ്ല്യുഎജി 12 ബി കന്നിയോട്ടം നടത്തിയത്. മണിക്കൂറില് 100 കിലോമീറ്റര് വരെ പരമാവധിവേഗം കൈവരിക്കാനാവുന്ന ട്രെയിന്റെ വേഗം 120 ആയി ഉയര്ത്താനും സാധിക്കും. 38400 എംഎം നീളമുണ്ട് എന്ജിന്. 6000 ടണ് വരെ 120 കിലോമീറ്റര് വേഗത്തില് വലിച്ചുകൊണ്ടുപോകാന് ഈ ട്രെയിനിന് സാധിക്കും.
സര്ക്കാരിന്റെ മെയ്ക്ക് ഇന് ഇന്ത്യ പദ്ധതിക്ക് കീഴില് ഫ്രഞ്ച് കമ്പനിയായ ആല്സ്റ്റും ഇന്ത്യന് റെയില്വേയും കൂടി സഹകരിച്ചാണ് ട്രെയിന് നിര്മിച്ചത്. രാജ്യത്തെ റെയില്ട്രാക്കുകള്ക്ക് യോജിച്ച വിധത്തിലാണ് ട്രെയിന് രൂപകല്പന ചെയ്തിരിക്കുന്നത്. ഇതിനൊപ്പം റീജനറേറ്റീവ് ബ്രെയ്ക്കിങ് സിസ്റ്റമായതിനാല് ഇന്ധന ഉപഭോഗം താരതമ്യേന കുറവാണെന്നും റെയില്വേ വ്യക്തമാക്കുന്നു. ബിഹാറിലെ മാധേപുര റെയില്വേ ഫാക്ടറിയിലാണ് മെയ്ക്ക് ഇന് ഇന്ത്യ പദ്ധതിയുടെ ഭാഗമായി ശക്തിയേറിയ എന്ജിനുകള് നിര്മിക്കുന്നത്. ഫ്രഞ്ച് കമ്പനിയായ ആല്സ്റ്റമുമായുള്ള 25,000 കോടിയുടെ കരാര് പ്രകാരം 800 ട്രെയിനുകളാണ് നിര്മിക്കുന്നത്.
https://www.facebook.com/Malayalivartha