അറബിക്കടലില് അതിശക്തമായ ന്യൂനമര്ദ്ദം
അറബിക്കടലില് അതിശക്തമായ ന്യൂനമര്ദ്ദം. ഇന്ന് അര്ദ്ധരാത്രി മുതല് കേരള തീരത്തും തെക്ക് കിഴക്കന് അറബിക്കടലിലും മല്സ്യബന്ധനം പൂര്ണമായി നിരോധിച്ചതായി മുഖ്യമന്ത്രി പിണറായി വിജയന് അറിയിച്ചു. നിലവില് ആഴക്കടലില് മല്സ്യബന്ധനത്തില് ഏര്പ്പെട്ടിരിക്കുന്നവര് എത്രയും പെട്ടെന്ന് തൊട്ടടുത്തുള്ള സുരക്ഷിത തീരത്തെത്തണമെന്നും സംസ്ഥാനത്ത് ജാഗ്രതാ നിര്ദേശം നല്കി മുഖ്യമന്ത്രി പിണറായി വിജയന്.
സംസ്ഥാനത്ത് വിവിധ ഭാഗങ്ങളില് ഇപ്പോള് മഴ ലഭിക്കുന്നുണ്ട്. ഇത്തവണ ജൂണ് ആദ്യ വാരത്തില് തന്നെ മണ്സൂണ് ആരംഭിക്കുമെന്ന് കാലാവസ്ഥാ വകുപ്പ് മുന്നറിയിപ്പ് തന്നിട്ടുണ്ട്. സാധാരണയില് കൂടുതല് മഴ ഇത്തവണയും പ്രതീക്ഷിക്കാമെന്നാണ് സൂചന. അടുത്ത അഞ്ചു ദിവസവും മഴ തുടരാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചതായി മുഖ്യമന്ത്രി പറഞ്ഞു.
ശക്തമായ മഴയ്ക്കുള്ള സാധ്യത കണക്കിലെടുത്ത് ഇടുക്കി ജില്ലയില് ഇന്നും നാളെയും ഓറഞ്ച് അലര്ട്ട് പ്രഖ്യാപിച്ചു. സംസ്ഥാനത്ത് ഇന്ന് ഏഴു ജില്ലകളിലും നാളെ പത്തു ജില്ലകളിലും യെല്ലോ അലര്ട്ട് ഉണ്ട്.
അറബിക്കടലില് ന്യൂനമര്ദം രൂപപ്പെടാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചിരിക്കുന്നതിനാല് ഇന്ന് അര്ദ്ധരാത്രി മുതല് കേരള തീരത്തും തെക്ക് കിഴക്കന് അറബിക്കടലിലും മല്സ്യബന്ധനം പൂര്ണമായി നിരോധിച്ചിട്ടുണ്ട്. ശക്തമായ മഴയ്ക്കുള്ള സാധ്യത കണക്കിലെടുത്ത് തിരുവനന്തപുരം, കൊല്ലം, പത്തനംതിട്ട, ആലപ്പുഴ, എറണാകുളം, തൃശൂര്, മലപ്പുറം ജില്ലകളിലാണ് ഇന്ന് യെല്ലോ അലര്ട്ട്. പാലക്കാട്, വയനാട്, കാസര്ക്കോട് ഒഴികെ എല്ലാ ജില്ലകളിലും നാളെ ജാഗ്രതാ നിര്ദേശമുണ്ട്. ശക്തമോ അതിശക്തമോ ആയ മഴയ്ക്കും വേഗമേറിയ കാറ്റിനും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
https://www.facebook.com/Malayalivartha
