കോട്ടയം താഴത്തങ്ങാടി കൊലപാതക കേസില് പ്രതിയുമായി ആലപ്പുഴയില് തെളിവെടുപ്പ് നടത്തി... ലോഡ്ജില് ഒന്നേകാല് മണിക്കൂര് മാത്രം ചിലവഴിച്ച ശേഷമാണ് ബിലാല് കൊച്ചിയിലേക്ക് കടന്നത്, ബിലാലിന്റെ പെരുമാറ്റത്തില് അസ്വാഭാവികതയൊന്നും തോന്നിയില്ലെന്ന് ലോഡ്ജ് ജീവനക്കാരന്
കോട്ടയം താഴത്തങ്ങാടി കൊലപാതക കേസില് പ്രതിയുമായി ആലപ്പുഴയില് തെളിവെടുപ്പ് നടത്തി. കൃത്യം നടത്തിയതിന് ശേഷം ആലപ്പുഴയിലെത്തിയ പ്രതി മുഹമ്മദ് ബിലാല് തങ്ങിയ ലോഡ്ജിലാണ് ഞായറാഴ്ച തെളിവെടുപ്പ് നടത്തിയത്. ലോഡ്ജില് ഒന്നേകാല് മണിക്കൂര് മാത്രം ചിലവഴിച്ച ശേഷമാണ് ബിലാല് കൊച്ചിയിലേക്ക് കടന്നത്. സംഭവദിവസം രാവിലെ കാറുമായി ആലപ്പുഴയില് എത്തിയ മുഹമ്മദ് ബിലാല് 11.55 നാണ് ലോഡ്ജില് മുറിയെടുത്തത്. 1.15 ന് മുറി ഒഴിഞ്ഞ് ലോഡ്ജില്നിന്നിറങ്ങി.
ബിലാലിന്റെ പെരുമാറ്റത്തില് അസ്വാഭാവികതയൊന്നും തോന്നിയില്ലെന്നാണ് ലോഡ്ജ് ജീവനക്കാരന്റെ മൊഴി. ആലപ്പുഴ മുഹമ്മദന്സ് സ്കൂളിന് സമീപമാണ് കാര് ഉപേക്ഷിച്ചത്. ലോഡ്ജില്നിന്ന് ഏകദേശം 600 മീറ്ററോളം ദൂരം മാത്രമാണ് ഇവിടേക്കുള്ളത്. ഇതിനുശേഷം ആലപ്പുഴയില്നിന്ന് കെ.എസ്.ആര്.ടി.സി. ബസില് ചേര്ത്തലയിലേക്ക് പോയി.
അവിടെനിന്ന് കൊച്ചിയിലെത്തി ഹോട്ടലില് ജോലിയും സംഘടിപ്പിച്ചു. കൊച്ചിയില്നിന്നാണ് പോലീസ് സംഘം പ്രതിയെ പിടികൂടിയത്.
"
https://www.facebook.com/Malayalivartha