പള്ളിച്ചലില് ഹൈടെക് ചന്ത; 2.31 കോടി രൂപ കിഫ്ബി അനുവദിച്ചു
പള്ളിച്ച്ല് പഞ്ചായത്തില് ഹൈടെക് ചന്ത ഉടനെത്തും. ചന്തയുടെ നിര്മ്മാണത്തിന് 2.31 കോടി രൂപ കിഫ്ബി അനുവദിച്ചു. കാട്ടാക്കട മണ്ഡലത്തിലെ പളളിച്ചല് ഗ്രാമപഞ്ചായത്ത് പരിധിയില് വരുന്ന നടുക്കാട് മാര്ക്കറ്റാണ് ഹൈടെക്ക് മാര്ക്കറ്റ് ആകുന്നത്. കിഫ്ബി പദ്ധതിയില് ഉള്പ്പെടുത്തി 704 ചതുരശ്ര മീറ്റര് വിസ്തൃതിയില് മനോഹരമായ മാര്ക്കറ്റ് കെട്ടിടമാണ് വിഭാവനം ചെയ്തിട്ടുള്ളത്.
ആധുനിക രീതിയില് നിര്മ്മിക്കുന്ന പ്രസ്തുത കെട്ടിടത്തില് മത്സ്യത്തിനായുള്ള റീടെയില് ഔട്ട്ലെറ്റുകള്, ബുച്ചര് സ്റ്റാളുകള്, കോള്ഡ് സ്റ്റോറേജ് സംവിധാനം, പ്രിപ്പറേഷന് മുറി, ലോഡിംഗ് സംവിധാനം എന്നിവ ഉണ്ടാകും. സ്റ്റെയിന്ലെസ്സ് സ്റ്റീലില് തീര്ത്ത ഡിസ്പ്ലേ ടേബിളുകള്, സ്റ്റീല് സിങ്കുകള് എന്നിവ ഓരോ മത്സ്യസ്റ്റാളിലും ഉണ്ടാകും. എല്ലാ വില്പ്പനശാലകളിലും പൊതുജനങ്ങള്ക്ക് സൗകര്യപ്രദമായി മത്സ്യം വാങ്ങാവുന്ന വിധത്തിലാണ് മാര്ക്കറ്റ് ഡിസൈന് ചെയ്തിരിക്കുന്നത്. ഈടുനില്ക്കുന്ന ഇന്ഡസ്ട്രിയല് ടൈലുകളാണ് തറയില് പാകുന്നത്. ഒട്ടും തന്നെ മലിനജലം കെട്ടിനില്ക്കാത്ത ഡ്രെയിനേജ് സംവിധാനം, ഗുണമേന്യേറിയ വൈദ്യുതീകണ പ്ലംബിംഗ് ഉല്പ്പന്നങ്ങളും മാര്ക്കറ്റില് ഉറപ്പ് വരുത്തുന്നു. മലിനജല സംസ്കരണ പ്ലാന്റും പദ്ധതിയില് ഉള്പ്പെടുത്തിയിട്ടുണ്ട്. മത്സ്യത്തൊഴിലാളികള്ക്കും മറ്റുമായി വിശ്രമ മുറികളും ആധുനിക രീതിയിലുള്ള ശുചിമുറികളും ഇതിന്റെ ഭാഗമാണ് റീടെയില് ഔട്ട്ലെറ്റുകള്, ബുച്ചര് സ്റ്റാളുകള്, ഡിസ്പ്ലേ ടേബിളുകള്, സ്റ്റീല് സിങ്കുകള്, പ്രിപ്പറേഷന് മുറി, ശുചിമുറികള്, ഡ്രെയിനേജ് സംവിധാനം, ലോഡിംഗ് സംവിധാനം, കോള്ഡ് സ്റ്റോറേജ് സംവിധാനം, മലിനജല സംസ്കരണ പ്ലാന്റ് എന്നിവയുമുണ്ടാകും.
നിലവിലുള്ള മത്സ്യമാര്ക്കറ്റ് സങ്കല്പ്പങ്ങളില് നിന്നും തികച്ചും വ്യത്യസ്തമായാണ് നടുകാട് ഹൈടെക്ക് മാര്ക്കറ്റ് ഡിസൈന് ചെയ്തിരിക്കുന്നതെന്ന് എം.എല്.എ ഐ.ബി സതീഷ് അറിയിച്ചു. മാറുന്ന കാലഘട്ടത്തിനും ഗുണഭോക്താക്കളുടെ താല്പര്യത്തിനുമനുസരിച്ച് വിപണന ശൈലികളിലും പരിഷ്കാരം വരുത്തേണ്ടതുണ്ട്. മത്സ്യത്തിന്റെയും മത്സ്യഉല്പ്പന്നങ്ങളുടെയും പരമ്പരാഗത വിപണന ശൈലിയില് നിന്നും വ്യത്യസ്തമായി പുതുമയും ഗുണനിലവാരവുമുള്ള മത്സ്യം റെഡി ടു കുക്ക് രൂപത്തില് ഗുണഭോക്താക്കള്ക്ക് എത്തിക്കുന്നതിനുള്ള സംവിധാനവും പുതിയ ഹൈടെക് ചന്തയിലുണ്ടാകും.
https://www.facebook.com/Malayalivartha