ഗാര്ഹിക ഉപയോക്താക്കള്ക്ക് സംസ്ഥാന സര്ക്കാര് പ്രഖ്യാപിച്ച സബ്സിഡി ആനുകൂല്യം അടങ്ങിയ വൈദ്യുതി ബില് ഇന്നു മുതല് വിതരണം ചെയ്യും... അര്ഹമായ സബ്സിഡി തുക എത്രയെന്ന് ബില്ലില് രേഖപ്പെടുത്തിയിരിക്കും
ഗാര്ഹിക ഉപയോക്താക്കള്ക്ക് സംസ്ഥാന സര്ക്കാര് പ്രഖ്യാപിച്ച സബ്സിഡി ആനുകൂല്യം അടങ്ങിയ വൈദ്യുതി ബില് തിങ്കളാഴ്ച മുതല് വിതരണം ചെയ്യും. അര്ഹമായ സബ്സിഡി തുക എത്രയെന്ന് ബില്ലില് രേഖപ്പെടുത്തിയിരിക്കും. 'കേരള ഗവണ്മെന്റ് സബ്സിഡി' എന്നായിരിക്കും ബില്ലിലുണ്ടാകുക. മുമ്പുള്ള ബില് തീയതി, മുമ്പ് അടച്ച തുക എന്നിവ ഉണ്ടാകും. രണ്ടുലക്ഷം ബില്ലുകളാണ് ഒരുദിവസം തയ്യാറാക്കുന്നത്. ഇതില് ഭൂരിഭാഗവും സബ്സിഡിക്ക് അര്ഹരായ ഗാര്ഹിക ഉപയോക്താക്കളുടേതാണ്. ഏപ്രില് 20 മുതല് ജൂണ് 19 വരെ നല്കിയ ലോക്ഡൗണ് കാലത്തെ ബില്ലുകള്ക്കാണ് ഇളവ്. ഇതിനകം ബില്ലടച്ചവര്ക്ക് സബ്സിഡി പ്രകാരം പുതിയ ബില് ക്രമപ്പെടുത്തി നല്കും. അടക്കാത്തവരാണെങ്കില് തൊട്ടുമുമ്പുള്ള ബില്ലില് സബ്സിഡിതുക കുറച്ച് പുതിയത് നല്കും.
വൈദ്യുതി ബില്ലില് സബ്സിഡിയുടെ വിവരങ്ങള് രേഖപ്പെടുത്തിയിരിക്കും. ഇതിനു പുറമെ എസ്എംഎസായും ഇത് നല്കും. ബില് ലഭിക്കുന്നതിന് ചുരുങ്ങിയത് രണ്ട് ദിവസം മുമ്പെങ്കിലും മൊബൈല് ഫോണില് സബ്സിഡി തുക എത്രയെന്ന് വ്യക്തമാക്കുന്ന സന്ദേശം നല്കാനാണ് തീരുമാനം. ആഗസ്ത് അവസാനത്തോടെ ബില് വിതരണം പൂര്ത്തിയാകും.
ഏപ്രില് 20 മുതല് ജൂണ് 19 വരെ നല്കിയ ബില്ലുകള്ക്കാണ് സബ്സിഡി.ലോക്ഡൗണ് കാലയളവിനു മുമ്പുള്ള ഡോര് ലോക്ക് അഡ്ജസ്റ്റ്മെന്റ്, മുന് ബില് കുടിശ്ശിക, മറ്റേതെങ്കിലും കണക്കില് അടയ്ക്കാനുള്ളതോ ആയ തുക എന്നിവ ഒഴിവാക്കിയാകും ബില് തുക കണക്കാക്കുക. കോവിഡ് പശ്ചാത്തലത്തില് വാണിജ്യ, വ്യവസായ ഉപയോക്താക്കള്ക്കും സ്വകാര്യ ആശുപത്രികള്ക്കും ഫിക്സഡ് ചാര്ജില് അനുവദിച്ച ഇളവും ലഭിക്കും.25 ശതമാനമാണ് ഇളവ്.
മാര്ച്ച് ഒന്നുമുതല് മെയ് 31 വരെ ഉപയോഗിച്ച വൈദ്യുതി ചാര്ജിന്റെ ഫിക്സഡ് നിരക്കിനാണ് ഇത് ബാധകം. 17 ലക്ഷം പേരാണ് ഗുണഭോക്താക്കള്. ഇളവ് ജൂലൈ മാസത്തെ ബില്ലില് കുറവ് ചെയ്തു നല്കും. 35 കോടി രൂപയാണ് ഈ ഇനത്തില് കെഎസ്ഇബി നല്കുന്നത്. നേരത്തെ ഗാര്ഹിക ഉപയോക്താക്കള്ക്ക് 200 കോടി രൂപയുടെ സബ്സിഡി പ്രഖ്യാപിച്ചിരുന്നു. ഇതും ഈ മാസം ലഭിക്കും.എന്നാല് മറ്റുകേന്ദ്രനിലയങ്ങളിലെ ഫിക്സഡ് ചാര്ജ് കുറയ്ക്കുകയോ സഹായ പദ്ധതികള് ലഭ്യമാക്കുകയോ ചെയ്തിട്ടില്ല. സംസ്ഥാനത്തെ സവിശേഷ സാഹചര്യം പരിഗണിച്ച് അര്ഹമായ സാമ്പത്തിക സഹായം നല്കാന് വൈദ്യുതി മന്ത്രി എം എം മണി കേന്ദ്ര ഊര്ജ മന്ത്രി ആര് കെ സിങ്ങിനോട് അഭ്യര്ഥിച്ചിരുന്നു.
"
https://www.facebook.com/Malayalivartha