ബംഗാള്‍ ഉള്‍ക്കടലിൽ ന്യൂനമര്‍ദ്ദം; ബംഗാള്‍ ഉള്‍ക്കടലില്‍ ഓഗസ്റ്റ് 5, 6 തീയതികളിൽ ന്യൂനമര്‍ദ്ദം രൂപപ്പെടുമെന്നാണ് കേന്ദ്ര കാലാവസ്ഥാ വകുപ്പിന്റെ പ്രവചനം.. റിപ്പോർട്ട് ഇങ്ങനെ
കൊറോണവൈറസ് പിടിമുറുക്കിയിരിക്കുന്ന സംസ്ഥാനത്ത് വീണ്ടുമൊരു പ്രളയസാധ്യതാ മുന്നറിയിപ്പ് ... ഓഗസ്റ്റ് മാസത്തിന്റെ തുടക്കത്തില്‍ ബംഗാള്‍ ഉള്‍ക്കടലില്‍ ന്യൂനമര്‍ദ്ദം രൂപപ്പെടുമെന്ന് കേന്ദ്ര കാലാവസ്ഥാ വകുപ്പ് പ്രവചിച്ചുകഴിഞ്ഞു. തുടര്‍ച്ചയായ മൂന്നാം വര്‍ഷവും സംസ്ഥാനത്ത് പ്രളയം ഉണ്ടാകുമോയെന്ന ഭയത്തിനു ആക്കം കൂടുന്നു
ബംഗാള്‍ ഉള്‍ക്കടലില്‍ ഓഗസ്റ്റ് 5, 6 തീയതികളിൽ ന്യൂനമര്‍ദ്ദം രൂപപ്പെടുമെന്നാണ് കേന്ദ്ര കാലാവസ്ഥാ വകുപ്പിന്റെ പ്രവചനം. ഇത് അതിതീവ്ര ന്യൂനമര്‍ദ്ദമായി മാറുന്നതോടെ ഓഗസ്റ്റിന്റെ രണ്ടാമത്തെ ആഴ്ചയില്‍ കേരളത്തില്‍ കനത്ത മഴ പെയ്യുമെന്നാണ് വിലയിരുത്തല്‍..
2018 ലും 2019 ലും ഓഗസ്റ്റിലാണ് കേരളത്തില്‍ ഏറ്റവും അധികം മഴ ലഭിച്ചത്. ശരാശരിയേക്കാള്‍ അധികമഴ ലഭിച്ചതിനാല്‍ രണ്ടു വര്‍ഷവും സംസ്ഥാനത്ത് പ്രളയം ഉണ്ടായി.
പ്രളയ സാധ്യത മുന്‍നിര്‍ത്തി സംസ്ഥാനത്ത് കേരള ദുരന്ത നിവാരണ അതോറിറ്റി മുന്‍കരുതല്‍ നടപടിയ്ക്ക് ഒരുങ്ങി .
ആന്ധ്രയുടെ വടക്കും ഒഡീഷയുടെ തെക്കുമായി ബംഗാള്‍ ഉള്‍ക്കടലില്‍ ആണ് ന്യൂനമര്‍ദ്ദം രൂപപ്പെടുന്നത് എന്ന് തിരുവനന്തപുരം ഐഎംഡി ഡയറക്ടര്‍ കെ സന്തോഷ് അറിയിച്ചു. ഓഗസ്റ്റ് പകുതിയോടെ ഇടിയോട് കൂടിയ കനത്ത മഴ പെയ്യാനാണ് സാധ്യത.
ഓഗസ്റ്റ് ആദ്യ ആഴ്ചയാണ് 2019 ലും 2018 ലും ബംഗാള്‍ ഉള്‍ക്കടലില്‍ ന്യൂനമര്‍ദം രൂപം കൊണ്ടത്. എട്ടു ദിവസത്തിനിടെ പേമാരിയാണ് സംസ്ഥാനത്ത് അനുഭവപ്പെട്ടത്. രണ്ടു വര്‍ഷവും കേരളം പ്രളയക്കെടുതിയും നേരിട്ടിരുന്നു.
https://www.facebook.com/Malayalivartha
