പ്രതിപക്ഷ നേതാവ് ഓരോ ദിവസവും ഓരോ പ്രസ്താവനുകളുമായണ് വരുന്നതെന്ന് പരിഹസിച്ച് മുഖ്യമന്ത്രി പിണറായി വിജയന്‍. പ്രതിപക്ഷ നേതാവിന്റെ പ്രത്യേക മാനസിക നിലയ്ക്കനുസരിച്ച് മറുപടി പറയാന്‍ തന്നെ കൊണ്ട് പറ്റില്ലെന്ന് മുഖ്യമന്ത്രി പറയുന്നു. അദ്ദേഹത്തിന്റെ മാനസിക നില വച്ച് കേരളത്തിലെ മുഖ്യമന്ത്രി സ്ഥാനം എങ്ങനെയെങ്കിലും ഒഴിഞ്ഞു കിട്ടിയാല്‍ മതിയെന്നാണ്. അങ്ങനെ യാഥാര്‍ത്ഥ്യമാകുന്ന കാര്യമാണോയെന്നും പിണറായി ചോദിച്ചു. അന്വേഷണം അതിന്റെ വഴിക്ക് നടക്കട്ടെയെന്നാണ് സര്‍ക്കാര്‍ നിലപാടെന്നും മുഖ്യമന്ത്രി ആവര്‍ത്തിച്ചു. ശിവശങ്കറിനെ ചോദ്യം ചെയ്യുന്നതുമായി ബന്ധപ്പെട്ട പ്രതിപക്ഷ നേതാവിന്റെ ആരോപണങ്ങളുടെ മേലുള്ള ചോദ്യങ്ങള്‍ക്ക് മറുപടി പറയുകയായിരുന്നു അദ്ദേഹം.