കണ്ണൂര് സര്വകലാശാലക്ക് കീഴിലെ കോളജുകളില് പി.ജി പ്രവേശനത്തിന് അപേക്ഷിക്കാം
കണ്ണൂര് സര്വ്വകലാശാലയുടെ അഫിലിയേറ്റഡ് കോളജുകളിലെ (ഗവ., എയ്ഡഡ്, സ്വാശ്രയ കോളജുകളില്) ബിരുദാനന്തര കോഴ്സുകളിലേക്ക് 2020-21 അധ്യയന വര്ഷത്തെ പ്രവേശനത്തിന് അപേക്ഷ ക്ഷണിച്ചു. ഏകജാലക സംവിധാനം വഴിയാണ് അപേക്ഷിക്കേണ്ടത്. ഇതിനായുള്ള ഓണ്ലൈന് രജിസ്ട്രേഷന് ആരംഭിച്ചു. സെപ്റ്റംബര് 23ന് വൈകീട്ട് അഞ്ച് വരെ ഒാണ്ലൈനായി രജിസ്റ്റര് ചെയ്യാം. രജിസ്ട്രേഷന് സംബന്ധമായ വിവരങ്ങള് www.admission.kannuruniversity.ac.in എന്ന വെബ് സൈറ്റില് ലഭിക്കും.
കമ്മ്യൂണിറ്റി, മാനേജ്മെന്റ്, സ്പോര്ട്സ് ക്വാട്ടകളില് പ്രവേശനം ആഗ്രഹിക്കുന്നവര് ഓണ്ലൈന് അപേക്ഷയുടെ പ്രിന്റ്ഔട്ടും ആവശ്യമായ രേഖകളും സഹിതം പ്രവേശനം ആഗ്രഹിക്കുന്ന കോളജുകളില് പ്രത്യേകം അപേക്ഷ സമര്പ്പിക്കണം.
വെയ്റ്റേജ് /സംവരണാനുകൂല്യം ആവശ്യമുള്ള വിദ്യാര്ഥികള് പ്രസ്തുത വിവരങ്ങള് ഓണ്ലൈന് രജിസ്ട്രേഷനുള്ള അപേക്ഷയില് വ്യക്തമായി രേഖപ്പെടുത്തണം. അല്ലാത്തപക്ഷം അഡ്മിഷന് സമയത്ത് രേഖകള് ഹാജരാക്കിയാലും ആനുകൂല്യം ലഭിക്കില്ല.
ഓപ്ഷന് കൊടുത്ത കോളജുകളിലേക്ക് അലോട്മെന്റ് ലഭിക്കുകയാണെങ്കില് നിര്ബന്ധമായും പ്രവേശനം നേടണം. അല്ലാത്തപക്ഷം തുടര്ന്നു വരുന്ന അലോട്മെന്റില് പരിഗണിക്കില്ല. പ്രവേശനം ആഗ്രഹിക്കുന്ന കോളജുകളും കോഴ്സുകളും മാത്രം തെരഞ്ഞെടുക്കാന് പ്രത്യേകം ശ്രദ്ധിക്കണം.
ഓണ്ലൈന് രജിസ്ട്രേഷന് ചെയ്തതിനുശേഷം അപേക്ഷയുടെ പ്രിന്റ്ഔട്ട് കോളജുകളിലേക്കോ സര്വകലാശാലയിലേക്കോ അയക്കണ്ട. അപേക്ഷയുടെ പ്രിന്റ്ഔട്ടും ഫീസടച്ചതിന്റെ രസീതും പ്രവേശന സമയത്ത് അതത് കോളജുകളില് ഹാജരാക്കണം.
420 രൂപയാണ് ഓണ്ലൈന് രജിസ്ട്രേഷന് ഫീസ്. എസ്.സി, എസ്.ടി വിഭാഗത്തിന് 100 രൂപയാണ് ഫീസ്. ഏക ജാലക സംവിധാനത്തിലുള്ള എല്ലാ ഫീസുകളും എസ്.ബി.െഎ കലക്ട് മുഖാന്തിരം അടക്കണം. ഡി.ഡി, ചെക്ക് മറ്റു ചലാനുകള് തുടങ്ങിയവ സ്വീകരിക്കില്ല.
അലോട്മെന്റ് ലഭിച്ച വിദ്യാര്ഥികള്ക്ക് മൂന്നാം അലോട്മെന്റിന് ശേഷം അലോട്മെന്റ് മെമ്മോ വെബ്സൈറ്റില് നിന്നും ലഭിക്കും. മൂന്നാമത്തെ അലോട്ട്മെന്റിനു ശേഷം മാത്രമേ കോളജുകളില് പ്രവേശനം നേടേണ്ടതുള്ളൂ. മൂന്നാമത്തെ അലോട്ട്മെന്റിനു ശേഷവും ഹയര് ഓപ്ഷന് നിലനിര്ത്താന് ആഗ്രഹിക്കുന്നവര് സര്വകലാശാല ഫീസ് മാത്രം അടച്ച് സര്ട്ടിഫിക്കറ്റുകള് അലോട്ട്മെന്റ് ലഭിച്ച കോളജില് സമര്പ്പിച്ച് താല്കാലിക അഡ്മിഷന് നേടണം.
https://www.facebook.com/Malayalivartha
