ആസൂത്രണ ബോര്‍ഡ് പരീക്ഷാ ക്രമക്കേടില്‍ പരീക്ഷാ വിഭാഗം അഡിഷണല്‍ സെക്രട്ടറി ആര്‍.ഹരിയെ പി.എസ്.സി സസ്‌പെന്‍ഡ് ചെയ്തു. കേസില്‍ ഹരിയെ െ്രെകംബ്രാഞ്ച് പ്രതി ചേര്‍ത്തതിന് പിന്നാലെയാണ് നടപടി. കേസില്‍ പ്രതി ചേര്‍ക്കപ്പെട്ട പി.എസ്.സി മുന്‍ ഉദ്യോഗസ്ഥന്‍ പി. സതീഷിന്റെ ആനുകൂല്യങ്ങള്‍ തടഞ്ഞുവയ്ക്കും. ആസൂത്രണ ബോര്‍ഡ് പരീക്ഷാ നടത്തിപ്പില്‍ ഇരുവരും നേരിട്ട് ഇടപെട്ടിരുന്നു എന്നാണ് ക്രൈംബ്രാഞ്ച് കണ്ടെത്തല്‍. ഇരുവരെയും ക്രൈംബ്രാഞ്ച് ചോദ്യം ചെയ്തിരുന്നു. ഇതിന് ശേഷമാണ് കേസില്‍ പ്രതി ചേര്‍ത്തത്.

കേസുമായി ബന്ധപ്പെട്ട് നേരത്തെ ഉയര്‍ന്ന പരാതിക്ക് പിന്നാലെ പി.എസ്.സിയുടെ പരീക്ഷാ നടത്തിപ്പിലെ ഗുരുതര വീഴ്ചകള്‍ പുറത്തുവന്നിരുന്നു. ഇതോടെയാണ് ക്രൈംബ്രാഞ്ച് കേസെടുത്ത് അന്വേഷണം ആരംഭിച്ചത്. പരീക്ഷാ ക്രമക്കേടില്‍ പി.എസ്.സി ചെയര്‍മാനെ മറ്റന്നാള്‍ ചോദ്യം ചെയ്യാനുള്ള ഒരുക്കത്തിലാണ് ക്രൈംബ്രാഞ്ച്. മൂന്ന് അംഗങ്ങള്‍ ചോദ്യം ചെയ്യലിന് ഹാജരായി. പുതിയ മൂന്നുകേസ് കൂടി രജിസ്റ്റര്‍ ചെയ്യും.