ആളിക്കത്തി പ്രതിഷേധം; മുഖ്യമന്ത്രിയുടെ കോലം കത്തിച്ചു! തിരുവനന്തപുരത്ത് സെക്രട്ടേറിയേറ്റ് പടിക്കല് എസ്.ഡി.പി.ഐ പ്രവര്ത്തകര് നടത്തിയ പ്രകടനം സംഘര്ഷഭരിതം; ബാരിക്കേഡുകള് തകര്ക്കാന് ശ്രമിച്ച പ്രവര്ത്തകരുമായി പൊലീസ് ഏറ്റുമുട്ടൽ
സെക്രട്ടേറിയറ്റില് പ്രോട്ടോകോള് വിഭാഗത്തില് ഉണ്ടായ തീപിടുത്തത്തെ തുടര്ന്ന് സംസ്ഥാനത്ത് വിവിധ പ്രതിപക്ഷ സംഘടനകള് നടത്തുന്ന പ്രതിഷേധം കനക്കുകയാണ്.
തിരുവനന്തപുരത്ത് സെക്രട്ടേറിയേറ്റ് പടിക്കല് എസ്.ഡി.പി.ഐ പ്രവര്ത്തകര് നടത്തിയ പ്രകടനം സംഘര്ഷഭരിതമായി. ബാരിക്കേഡുകള് തകര്ക്കാന് ശ്രമിച്ച പ്രവര്ത്തകരുമായി പൊലീസ് ഏറ്റുമുട്ടലുണ്ടായി.
സെക്രട്ടേറിയറ്രിന് മുന്നില് നോര്ത്ത് ഗേറ്റില് മഹിളാകോണ്ഗ്രസ് പ്രവര്ത്തകര് പ്രതിഷേധിക്കുകയാണ്.
ഇവിടെ മുഖ്യമന്ത്രിയുടെ കോലം കത്തിച്ചു. കണ്ണൂര് കളക്ടറേറ്റിലേക്ക് യുവമോര്ച്ച നടത്തിയ പ്രകടനം പൊലീസ് തടഞ്ഞതിനെ തുടര്ന്നുണ്ടായ സംഘര്ഷത്തില് സമരക്കാര്ക്ക് നേരെ ജലപീരങ്കി പ്രയോഗിച്ചു.
തുടര്ന്ന് ലാത്തിച്ചാര്ജില് പ്രവര്ത്തകര്ക്ക് പരുക്കേറ്റു. കൊച്ചിയില് കണയന്നൂരില് ബിജെപി പ്രവര്ത്തകരെ പൊലീസ് അറസ്റ്റ് ചെയ്ത് നീക്കി.
https://www.facebook.com/Malayalivartha