ബോളിവുഡ് നടൻ ആമിർ ഖാന്റെ സിനിമകൾ മാത്രം ചൈനയിൽ ഹിറ്റാവുന്നു....കാരണം അന്വേഷിറങ്ങി ആർ എസ് എസ് രംഗത്ത്. ബോളിവുഡ് നടൻ ആമിർ ഖാനെതിരെ ആഞ്ഞടിക്കുകയായിരുന്നു ആർഎസ്എസ് . മുഖപത്രമായ പാഞ്ചജന്യത്തിലൂടെയാണ് നടനെതിരെ വിമർശനം നടത്തിയത് . തുർക്കി പ്രസിഡന്റ് റെസെപ് എർദോഗന്റെ ഭാര്യ എമിൻ എർദോഗനുമായി ഒരാഴ്ച മുൻപ് ഇസ്താംബൂളിൽ ആമിർ ഖാൻ കൂടിക്കാഴ്ച നടത്തി. ഇതിനെയായിരുന്നു ആർഎസ്എസ് ചോദ്യം ചെയ്യുന്നത്. കൂടിക്കാഴ്ചയെ വിമർശിച്ച മുഖപത്രം, ചൈനീസ് ഉൽപ്പന്നങ്ങളെ നടൻ പ്രോൽസാഹിപ്പിക്കുന്നെന്നും കുറ്റപ്പെടുത്തുകയും ചെയ്തു .വ്യാളിയുടെ പ്രിയപ്പെട്ട ഖാൻ’ (Dragon's favourite Khan) എന്ന തലക്കെട്ടിലുള്ള ലേഖനത്തിൽ, സ്വാതന്ത്ര്യസമരത്തിന് മുമ്പും ശേഷവും ദേശസ്നേഹ സിനിമകൾ നിർമിക്കപ്പെട്ടിട്ടുണ്ടെന്നു പറയുന്നു. പക്ഷേ ഇപ്പോൾ പാശ്ചാത്യ ലോകത്തിന്റെ സ്വാധീനം സിനിമകളിൽ പ്രകടമാണെന്നും വിമർശിക്കുന്നു . കഴിഞ്ഞ അഞ്ചാറ് വർഷങ്ങളിൽ ഉറി ദ് സർജിക്കൽ സ്ട്രൈക്ക്, മണികർണിക പോലുള്ള കൂടുതൽ ദേശസ്നേഹ സിനിമകൾ നിർമിക്കപ്പെടുന്നു.

സ്വന്തം രാജ്യത്തിലെ പോലെതന്നെ ശത്രുരാജ്യങ്ങളായ ചൈനയുടെയും തുർക്കിയുടെയും അഭിനേതാക്കളും ഇവിടെയുണ്ട്– ആമിറിനെ ലക്ഷ്യമിട്ട് ലേഖനം വിമർശിക്കുകയായിരുന്നു ചെയ്തത് .
തുർക്കിയുടെ പ്രഥമ വനിതയോടൊപ്പം ചിത്രങ്ങളെടുത്ത് ആ രാജ്യത്തിന്റെ ബ്രാൻഡ് അംബാസഡറാകാനാണു ശ്രമിക്കുന്നതെന്നും ലേഖനം ആക്ഷേപിക്കുന്നുണ്ട് . പുതിയ ചിത്രമായ ‘ലാൽ സിങ് ഛദ്ദ’യുടെ ചിത്രീകരണത്തിനായി ആമിർ ഖാൻ തുർക്കി തിരഞ്ഞെടുത്തതിൽ സന്തോഷമുണ്ടെന്ന് എമിൻ എർദോഗൻ സമൂഹമാധ്യമത്തിൽ പങ്കുവച്ച ചിത്രത്തോടൊപ്പം കുറിച്ചിരുന്നു. മതേതരനാണെന്ന് ആമിർ കരുതുന്നുവെങ്കിൽ, എന്തുകൊണ്ടാണ് അദ്ദേഹം തുർക്കിയിൽ ഷൂട്ട് ചെയ്യുന്നത്? മനുഷ്യാവകാശ ലംഘനങ്ങൾ നടന്നിട്ടുള്ളതും സമൂഹമാധ്യമങ്ങൾ നിരീക്ഷണത്തിലായതുമായ ഒരു രാജ്യത്തെ തിരഞ്ഞെടുത്തത് എന്തിനാണ്? അദ്ദേഹം ചൈനീസ് ഉൽപ്പന്നങ്ങൾക്ക് അംഗീകാരം നൽകുന്നു. അതിനാലാണു മറ്റ് അഭിനേതാക്കളുടെ സിനിമകൾ ചൈനയിൽ പരാജയപ്പെടുമ്പോഴും ആമിർ ഖാന്റെ സിനിമകൾ അവിടെ വിജയിക്കുന്നത് എന്നും ലേഖനം ചൂണ്ടിക്കാട്ടുന്നു.

ആമിര്‍ ഖാന്റെ സിനി മ മാത്രം എന്തുകൊണ്ടാണ് ചൈനയില്‍ നല്ല രീതിയില്‍ ഓടുന്നത്. മറ്റ് നടന്‍മാരുടെ ചിത്രങ്ങളൊക്കെ പരാജയപ്പെടുകയാണ്. ദംഗല്‍ കോടികളാണ് ചൈനയില്‍ നിന്ന് വാരിയത്. എന്നാല്‍ സല്‍മാന്‍ ഖാന്റെ സുല്‍ത്താന്‍ എന്തുകൊണ്ടാണ് അതേ നേട്ടം ലഭിക്കാതിരുന്നത്. ആമിര്‍ ഖാന്‍ ചൈനീസ് ഉല്‍പ്പന്നങ്ങളുടെ ബ്രാന്‍ഡ് അംബാസിഡറാണ്. ഇത് സുരക്ഷയ്ക്ക് ആശങ്ക സമ്മാനിക്കുന്നത് എന്നുള്ള ആരോപണങ്ങൾ അവർ ഉയർത്തുന്നു .ഡ്രാഗണിന്റെ ഫേവറിറ്റ് ഖാന്‍ എന്നാണ് ഈ ലേഖനത്തിന്റെ തലക്കെട്ട്. ഡ്രാഗണ്‍ എന്നുള്ളത് കൊണ്ട് ചൈനയെയാണ് ഉദ്ദേശിച്ചത്. നേരത്തെ തുര്‍ക്കി പ്രഥമ വനിത എമിനി ഉര്‍ദുഗാനെ ആമിര്‍ കണ്ടിരുന്നു. ഇത് വലിയ വിവാദങ്ങള്‍ക്ക് കാരണമായിരുന്നു. തുര്‍ക്കി കശ്മീര്‍ വിഷയത്തില്‍ അടക്കം ഇന്ത്യക്ക് എതിരായി നിലപാടെടുത്ത നേതാവാണ് ഉര്‍ദുഗാനെന്ന ആരോപണം സോഷ്യല്‍ മീഡിയ ഉയര്‍ത്തിയിരുന്നു. ആമിര്‍ ഇന്ത്യാവിരുദ്ധരുമായി കൈകോര്‍ക്കുന്നുവെന്നായിരുന്നു വിമര്‍ശനം. .അതേസമയം തുര്‍ക്കിയിലെ ഇന്ത്യന്‍ അംബാസിഡര്‍ സഞ്ജയ് പാണ്ട നേരത്തെ ആമിറിന് നല്‍കിയ സ്വീകരണത്തെ അഭിനന്ദിച്ചിരുന്നു. ഇന്ത്യയുടെ സാംസ്‌കാരിക നായകനെന്നാണ് അദ്ദേഹം ആമിറിനെ വിശേഷിപ്പിച്ചത്.