വിഴിഞ്ഞം തുറമുഖ നിര്‍മാണ കരാര്‍ അഡാനി ഗ്രൂപ്പിനു നല്‍കാന്‍ തീരുമാനമായി. അഡാനി ഗ്രൂപ്പിന്റെ ബിഡ് സര്‍ക്കാര്‍ സ്വീകരിക്കും. ചീഫ് സെക്രട്ടറി അധ്യക്ഷനായ ഉന്നതാധികാര സമിതിയാണു ബിഡ് സ്വീകരിക്കാന്‍ ശിപാര്‍ശ ചെയ്തത്. ഗുജറാത്തിലെ അഹമ്മദാബാദ് ആസ്ഥാനമായ ഇന്ത്യന്‍ ബഹുരാഷ്ട്ര കമ്പനിയാണ് അഡാനി. നേരത്തെ നടന്ന ടെന്‍ഡര്‍ നടപടികളില്‍ അഡാനി പോര്‍ട്‌സ് ലിമിറ്റഡ് മാത്രമാണു പങ്കെടുത്തത്. അഡാനിയെ കൂടാതെ എസാര്‍ പോര്‍ട്‌സ്, സ്രേ ഒഎച്ച്എല്‍ കണ്‍സോര്‍ഷ്യം എന്നിവയാണ് എട്ടു ലക്ഷം രൂപ മുടക്കി ടെന്‍ഡര്‍ രേഖകള്‍ വാങ്ങിയത്. എന്നാല്‍ അഡാനി ഗ്രൂപ്പ് മാത്രമാണു ടെന്‍ഡര്‍ സമര്‍പ്പിച്ചത്.
തുറമുഖ നിര്‍മാണത്തിന് 1,635 കോടി രൂപ നല്‍കണമെന്നാണു ടെന്‍ഡറില്‍ അഡാനി ആവശ്യപ്പെട്ടത്. പദ്ധതി തുകയുടെ 40 ശതമാനം ഗ്രാന്റായും ആവശ്യപ്പെട്ടു. 6,600 കോടി രൂപയാണു പദ്ധതിയുടെ ആകെ ചെലവ്. ഇതില്‍ 400 കോടി രൂപ പ്രോജക്ടിനായി മുടക്കണം. 800 കോടി രൂപ കേന്ദ്ര സര്‍ക്കാര്‍ വയബിലിറ്റി ഗ്യാപ് ഫണ്ടില്‍ നിന്നു നല്‍കും. 20 ശതമാനം തുക സംസ്ഥാന സര്‍ക്കാരാണു മുടക്കേണ്ടത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha