കോവിഡ്–19 മഹാമാരിയെത്തുടർന്ന് രാജ്യാന്തര തലത്തിൽ നിലവിലെ വളർച്ചാനിരക്കിൽ ചൈന മുമ്പോട്ട് കുതിക്കുന്ന കാഴ്ച്ചയാണ് ഇപ്പോൾ കണ്ടുകൊണ്ടിരിക്കുന്നത്. ഇപ്പോൾ ഈ കാര്യത്തിൽ പ്രതികരണവുമായി  കോൺഗ്രസ് നേതാവ് ശശി തരൂർ രംഗത്ത് . യുഎസിൽനിന്ന് രാജ്യാന്തര നാണയനിധിയുടെ (ഐഎംഎഫ്) ആസ്ഥാനം ബെയ്ജിങ്ങിലേക്കു മാറ്റുമോയെന്ന് ശശി തരൂർ പരിഹസിച്ചു . കോവിഡ്–19 മഹാമാരിയെത്തുടർന്ന് രാജ്യാന്തര തലത്തിൽ നിലവിലെ വളർച്ചാനിരക്കിൽ ചൈന മുമ്പോട്ട് കുതിക്കുകയാണ്. ഇക്കാര്യം ചൂണ്ടിക്കാട്ടിയായിരുന്നു ശശി തരൂരിന്റെ ട്വീറ്റ്.

ഐഎംഎഫിന്റെ നിയമാവലി പ്രകാരം ലോകത്തെ ഏറ്റവും വലിയ സമ്പദ്‌വ്യവസ്ഥയിലാണ് അതിന്റെ ആസ്ഥാനം സ്ഥിതി ചെയ്യുകയെന്നും തരൂർ . കഴിഞ്ഞ 75 വർഷമായി വാഷിങ്ടനിലാണ് ഐഎംഎഫിന്റെ ആസ്ഥാനം. എന്നാൽ കോവിഡിനു ശേഷമുള്ള കാലത്ത് ചൈനീസ്, യുഎസ്. സമ്പദ്‌വ്യവസ്ഥകളുടെ വളർച്ച വിലയിരുത്തുമ്പോൾ ഐഎംഎഫിന്റെ ആസ്ഥാനം മാറ്റേണ്ടി വരുമോയെന്നും അദ്ദേഹം ചോദിച്ചു . ഈ വർഷം യുഎസ് സമ്പദ്‌വ്യവസ്ഥ 4.3% ചുരുങ്ങുമെന്നും ചൈന മാത്രമായിരിക്കും വളർച്ച രേഖപ്പെടുത്തുന്ന പ്രധാന സമ്പദ്‌വ്യവസ്ഥയെന്നുമാണ് ഐഎംഎഫ് പറയുന്നത്. 2020ൽ ചൈന 1.9% വളർച്ച രേഖപ്പെടുത്തുമെന്നാണ് ഐഎംഎഫിന്റെ പ്രവചനം. അടുത്ത വർഷം 8.4% ആയിരിക്കും ചൈനയുടെ വളർച്ച. ഇതേ കാലയളവിൽ യുഎസിന്റെ വളർച്ച 3.1% മാത്രമായിരിക്കുമെന്ന് അദ്ദേഹം പറഞ്ഞിരുന്നു.