തനിക്കെതിരെ നടക്കുന്നത് രാഷ്ട്രീയ നീക്കം ; പരാതിക്കാരനുമായി ദീര്ഘനാളുകളായി പരിചയമുണ്ട്; രാഷ്ട്രീയമായി തന്നെ ഇല്ലാതാക്കാനുള്ള ശ്രമം തുടരുകയാണ്; പ്രതികരണവുമായി ബി.ജെ.പി മുന് സംസ്ഥാന പ്രസിഡന്റ് കുമ്മനം രാജശേഖരന്
ആറന്മുള സ്വദേശിയില് നിന്ന് ലക്ഷങ്ങള് തട്ടിയെന്ന കേസില് പ്രതികരണവുമായി ബി.ജെ.പി മുന് സംസ്ഥാന പ്രസിഡന്റ് കുമ്മനം രാജശേഖരന് . തനിക്കെതിരെ നടക്കുന്നത് രാഷ്ട്രീയ നീക്കമാണെന്ന് അദ്ദേഹം പറഞ്ഞു . കേസുമായി തനിക്ക് യാതൊരു ബന്ധവുമില്ല. അന്വേഷണ ഉദ്യോഗസ്ഥര് കേസ് എടുത്തപ്പോള് പോലും തന്നോടും ഒരു വാക്ക് പോലും ചോദിച്ചിട്ടില്ല. രാഷ്ട്രീയമായി തന്നെ ഇല്ലാതാക്കാനുള്ള ശ്രമം തുടരുകയാണെന്നും അദ്ദേഹം വ്യക്തമാക്കി.
പരാതിക്കാരനുമായി ദീര്ഘനാളുകളായി പരിചയമുണ്ട്. പ്ലാസ്റ്റിക്കിനെതിരായി പ്രകൃതി ദത്ത ഉത്പന്നം നിര്മിക്കുന്ന സംരംഭത്തെ പ്രോത്സാഹിപ്പിക്കുക മാത്രമാണ് ചെയ്തത്. പരാതിക്കാരനെ ഒരു ഉപകരണമാക്കി മാറ്റിയതാണോ എന്ന് സംശയം ഉണ്ടെന്നും കുമ്മനം. ആറന്മുള സ്വദേശിയായ ഹരികൃഷ്ണനില് നിന്നും 28.75 ലക്ഷം രൂപ തട്ടിയെടുത്തുവെന്ന പരാതിയില് കുമ്മനം രാജശേഖരനെ അഞ്ചാം പ്രതിയാക്കിയാണ് പൊലീസ് കേസെടുത്തിരിക്കുന്നത്. മുന് പി.എ പ്രവീണ് ആണ് ഒന്നാംപ്രതി. പേപ്പര് കോട്ടണ് മിക്സ് എന്ന കമ്ബനിയില് പങ്കാളിയാക്കാമെന്ന് പണം തട്ടിയെടുത്തത് എന്നാണ് ഇപ്പോൾ ഉയർന്നിരിക്കുന്ന പരാതി. എന്നാൽ ഈ വിഷയത്തിൽ അദ്ദേഹം പ്രതികരണം അറിയിച്ചിരിക്കുകയാണ്.
https://www.facebook.com/Malayalivartha