സിസ്റ്റര്‍ അഭയ കൊലക്കേസ്: അഞ്ച് സിബിഐ ഡിവൈഎസ്പിമാരെ ഇന്ന് വിസ്തരിക്കും
സിസ്റ്റര്‍ അഭയ കൊലക്കേസ് 1993 ല്‍ സിബിഐ ഏറ്റെടുത്തത്തിന് ശേഷം വിവിധ ഘട്ടങ്ങളില്‍ കേസ് അന്വേഷിച്ച അഞ്ച് സിബിഐ ഡി.വൈ.എസ്.പി. മാരെ ഇന്ന് (ചൊവ്വാഴ്ച ) തിരുവനന്തപുരം സിബിഐ കോടതി സാക്ഷി വിസ്താരം നടത്തും.
സിബിഐയുടെ ഡല്‍ഹി, ചെന്നൈ യൂണിറ്റുകളിലെ ഡി.വൈ.എസ്.പി. മാരായ സുരീന്ദര്‍ പോള്‍, വി.കെ.ബിന്‍ദാള്‍, ആര്‍. കെ.അഗര്‍വാള്‍, കെ.എം.വര്‍ക്കി, കെ.ജെ.ഡാര്‍വിന്‍ എന്നിവരെയാണ് ചൊവ്വാഴ്ച വിസ്തരിക്കുക. സാക്ഷി വിസ്താരം രാവിലെ 10.30 മുതല്‍ ആരംഭിക്കാനും സിബിഐ ജഡ്ജി കെ.സനില്‍കുമാര്‍ സിബിഐ പ്രോസിക്യൂട്ടര്‍ നവാസിന് നിര്‍ദ്ദേശം നല്‍കി.
അഭയ കേസ് 28 വര്‍ഷം മുന്‍പ് നടന്നതാണെന്നും അതു കൊണ്ടു തന്നെ എല്ലാ പ്രവര്‍ത്തി ദിവസവും വിചാരണ നടത്തണമെന്നും കേസ് നടപടികള്‍ നീട്ടിക്കൊണ്ടു പോകാന്‍ കഴിയില്ല എന്നുമുള്ള ഹൈക്കോടതിയുടെ ഉത്തരവ് കര്‍ശനമായും പാലിക്കണമെന്നും സിബിഐ ജഡ്ജി കെ. സനില്‍ കുമാര്‍ സിബിഐക്ക് കര്‍ശന നിര്‍ദ്ദേശം നല്‍കിയിരുന്നു. പ്രോസിക്യൂഷന്‍ സാക്ഷികളെ കൃത്യമായി കൊണ്ടുവരാനും കഴിഞ്ഞ ദിവസം സിബിഐക്ക് നിര്‍ദ്ദേശം നല്‍കിയിരുന്നു.
"
https://www.facebook.com/Malayalivartha
