മുഖ്യമന്ത്രി ഉമ്മന്‍ ചാണ്ടിയുടെ ജനസമ്പര്‍ക്ക പരിപാടി \'കരുതല്‍ 2015\' കാസര്‍ഗോഡ് മുനിസിപ്പല്‍ സ്റ്റേഡിയത്തില്‍ ഇന്നു രാവിലെ ഒമ്പതു മുതല്‍ നടക്കും. 13,052 അപേക്ഷകളാണു ജനസമ്പര്‍ക്ക പരിപാടിയിലേക്ക് ഓണ്‍ലൈനായി ലഭിച്ചത്. ഓണ്‍ലൈനായി ലഭിച്ച അപേക്ഷകളില്‍ അപേക്ഷകര്‍ക്കുള്ള മറുപടി ബന്ധപ്പെട്ട വില്ലേജ് ഓഫീസുകള്‍ മുഖേന നല്‍കി. ഇനിയും മറുപടി ലഭിച്ചിട്ടില്ലാത്തവര്‍ സ്റ്റേഡിയത്തില്‍ ഒരുക്കിയിട്ടുള്ള താലൂക്ക് കൗണ്ടറുകളില്‍ നിന്നു മറുപടി കൈപ്പറ്റണം. ധനസഹായം അനുവദിച്ചതായി അറിയിപ്പ് ലഭിച്ചിട്ടുള്ള അപേക്ഷകര്‍ക്കു ബന്ധപ്പെട്ട കൗണ്ടറുകളില്‍ നിന്നു തുക അനുവദിക്കും.
പുതുതായി അപേക്ഷ സമര്‍പ്പിക്കാന്‍ ആഗ്രഹിക്കുന്നവര്‍ക്ക് അക്ഷയകേന്ദ്രത്തിന്റെ 30 കൗണ്ടറുകള്‍ സ്റ്റേഡിയത്തില്‍ ഒരുക്കിയിട്ടുണ്ട്. ചികിത്സാധനസഹായത്തിനുള്ള 4,387 അപേക്ഷകളില്‍ അന്വേഷണം നടത്തി അര്‍ഹരായ അപേക്ഷകര്‍ക്കു ധനസഹായം വിതരണം ചെയ്യുന്നതിനുളള നടപടി പൂര്‍ത്തീകരിച്ചിട്ടുണ്ട്. ജനസമ്പര്‍ക്ക പരിപാടി നടക്കുന്ന മുനിസിപ്പല്‍ സ്റ്റേഡിയത്തില്‍ എല്ലാ സജ്ജീകരണങ്ങളും ഏര്‍പ്പെടുത്തിയിട്ടുണ്ട്. സെക്രട്ടറിയേറ്റിനുളള സ്‌പെഷല്‍ കൗണ്ടറും കളക്ടറേറ്റ് നാലു താലൂക്കുകള്‍ എന്നീ കൗണ്ടറുകളും മറ്റു വകുപ്പുകള്‍ക്കുള്ള പൊതുകൗണ്ടറും മീഡിയ സെല്ലും ഏര്‍പ്പെടുത്തിയിട്ടുണ്ട്. അപേക്ഷ സമര്‍പ്പിച്ചവര്‍ക്ക് ആവശ്യമായ സഹായങ്ങള്‍ ചെയ്യുന്നതിനു സ്റ്റുഡന്‍സ് പോലീസ്, റെഡ്‌ക്രോസ്, എന്‍സിസി തുടങ്ങിയവരുടെ സേവനം ലഭ്യമാകും. ക്രമസമാധാന പാലനത്തിനു പോലീസിനെ വിന്യസിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha