ജെ.സി.ഡാനിയേല് പുരസ്കാരം സംവിധായകന് ഹരിഹരന്
മലയാള ചലച്ചിത്രരംഗത്തെ സമഗ്ര സംഭാവനയ്ക്കുള്ള 2019 ലെ ജെ.സി.ഡാനിയേല് പുരസ്കാരം സംവിധായകന് ഹരിഹരന്. സംസ്ഥാന സര്ക്കാരിന്റെ പരമോന്നത ചലച്ചിത്ര പുരസ്കാരമാണ് ഇത്. അഞ്ചു ലക്ഷം രൂപയും പ്രശസ്തിപത്രവും ശില്പവും അടങ്ങുന്നതാണ് പുരസ്കാരം.
എം.ടി വാസുദേവന് നായര് ചെയര്മാനും സംവിധായകന് ഹരികുമാര്, നടി വിധുബാല, ചലച്ചിത്ര അക്കാദമി ചെയര്മാന് കമല്, സാംസ്കാരിക വകുപ്പ് സെക്രട്ടറി റാണി ജോര്ജ് ഐ.എ.എസ് എന്നിവരടങ്ങുന്ന സമിതിയാണ് പുരസ്കാര ജേതാവിനെ തിരഞ്ഞെടുത്തത്.
https://www.facebook.com/Malayalivartha