ജുഡീഷ്യല് കസ്റ്റഡിയില് കഴിയുന്ന സ്വര്ണക്കടത്ത് കേസിലെ പ്രതി സ്വപ്ന സുരേഷിന്റെ ശബ്ദസന്ദേശത്തിന് പിന്നിലെ ഗൂഢാലോചന കണ്ടെത്താന് ക്രൈംബ്രാഞ്ച് അന്വേഷണം തുടങ്ങി... അട്ടക്കുളങ്ങര ജയിലില് കഴിയുന്ന സ്വപ്നയെ ക്രൈംബ്രാഞ്ച് സംഘം ഉടന് ചോദ്യം ചെയ്യും
ജുഡീഷ്യല് കസ്റ്റഡിയില് കഴിയുന്ന സ്വര്ണക്കടത്ത് കേസിലെ പ്രതി സ്വപ്ന സുരേഷിന്റെ ശബ്ദസന്ദേശത്തിന് പിന്നിലെ ഗൂഢാലോചന കണ്ടെത്താന് ക്രൈംബ്രാഞ്ച് അന്വേഷണം തുടങ്ങി. സംസ്ഥാന പൊലീസ് മേധാവി ലോക്നാഥ് ബെഹ്റയുടെ നിര്ദ്ദേശ പ്രകാരമാണ് അന്വേഷണം ആരംഭിച്ചത്.
അട്ടക്കുളങ്ങര ജയിലില് കഴിയുന്ന സ്വപ്നയെ ക്രൈംബ്രാഞ്ച് സംഘം ഉടന് ചോദ്യം ചെയ്യും. കോടതിയില് നിന്നോ ജയില് മേധാവിയില് നിന്നോ ഇതിനായി അനുമതി വാങ്ങും. മുഖ്യമന്ത്രിക്കെതിരെ മൊഴി കൊടുക്കാന് അന്വേഷണ ഉദ്യോഗസ്ഥര് നിര്ബന്ധിക്കുന്നുവെന്നായിരുന്നു സ്വപ്നയുടെ ശബ്ദസന്ദേശം.
ശബ്ദരേഖയുടെ ആധികാരിതക ഉറപ്പിക്കാന് ശാസ്ത്രീയപരിശോധനയ്ക്ക് കോടതി മുഖേന ലാബിലേക്ക് അയയ്ക്കും. ജയില് ഡി.ഐ.ജി നടത്തിയ പ്രാഥമിക അന്വേഷണത്തില് തന്റെ ശബ്ദമാണ് പ്രചരിക്കുന്നതെന്നും അട്ടക്കുളങ്ങര ജയിലില് വച്ചുള്ളതല്ലെന്നും സ്വപ്ന പറഞ്ഞിരുന്നു. എറണാകുളത്ത് വച്ച് ഇത്തരത്തില് പലരോടും സംസാരിച്ചിട്ടുണ്ടെന്നും വ്യക്തമായി ഓര്ത്തെടുക്കാന് കഴിയുന്നില്ലെന്നുമായിരുന്നു സ്വപ്നയുടെ മൊഴി. ജയില്വകുപ്പും, എന്ഫോഴ്സ്മെന്റ് ഡയറക്ടറേറ്റും ആവശ്യപ്പെട്ടതിനെ തുടര്ന്നാണ് ഡി.ജി.പി ക്രൈംബ്രാഞ്ച് അന്വേഷണത്തിന് ഉത്തരവിട്ടത്.
"
https://www.facebook.com/Malayalivartha