കോവിഡ് ചികിത്സയ്ക്കിടെ രോഗി മരിച്ച സംഭവത്തിന് തെളിവില്ല; കളമശേരി മെഡിക്കല് കോളേജിന് ആരോഗ്യ വകുപ്പിന്റെയും ക്ലീന് ചിറ്റ്
കോവിഡ് ചികിത്സയ്ക്കിടെ രോഗി മരിച്ച സംഭവത്തില് കളമശേരി മെഡിക്കല് കോളേജിന് ആരോഗ്യ വകുപ്പിന്റെയും ക്ലീന് ചിറ്റ്. സംസ്ഥാന ആരോഗ്യ വകുപ്പ് നിയോഗിച്ച വിദഗ്ദ്ധ സമിതിയാണ് ക്ലീന് ചിറ്റ് നല്കിയത്. രോഗികളുടെ ആന്തരിക അവയവങ്ങളെ കോവിഡ് ബാധിച്ചതിനാലാണ് മരണം സംഭവിച്ചതെന്നും ആരോപണം ഉന്നയിച്ച ഡോക്ടര്ക്ക്, തന്റെ വാദങ്ങളെ സാധൂകരിക്കുന്ന തെളിവുകള് ഹാജരാക്കാന് സാധിച്ചിട്ടില്ലെന്നും റിപ്പോര്ട്ടിലുണ്ട്.
ചികിത്സ പിഴവ് സംബന്ധിച്ച് കളമശ്ശേരി മെഡിക്കല് കേളേജിനെതിരെയുള്ള പരാതികള് നേരത്തെ പൊലീസും തള്ളിയിരുന്നു. ആശുപത്രി അധികൃതരുടെ ഭാഗത്ത് വീഴ്ച സംഭവിച്ചിട്ടില്ലെന്നും കേസെടുക്കാന് കഴിയില്ലെന്നും പരാതി നല്കിയ ഫോര്ട്ട് കൊച്ചി സ്വദേശി പി കെ ഹാരിസിന്റെയും, അശോകപുരം സ്വദേശി ജമീലയുടെയും ബന്ധുക്കളെ കളമശ്ശേരി പൊലീസ് അറിയിച്ചിരുന്നു. അതേസമയം ഡിജിറ്റല് തെളിവുകള് ശേഖരിക്കാതെ അന്വേഷണം അവസാനിപ്പിച്ച പൊലീസ് നടപടി ആശുപത്രിയുടെ മുഖം രക്ഷിക്കാനാണെന്നാണ് ഹാരിസിന്റെ കുടുംബം ആരോപിക്കുന്നത്.
https://www.facebook.com/Malayalivartha