സംഭവം കൊച്ചിയില്... കൊച്ചി പാലാരിവട്ടത്ത് കെഎസ്ആര്ടിസി ബസ് മരത്തിലിടിച്ച് ഡ്രൈവര് മരിച്ചു; നിരവധി പേര്ക്ക് പരുക്ക്; പരിക്കേറ്റവരില് ഒരാളുടെ നില ഗുരുതരം; അപകടത്തില് ബസിന്റെ മുന്ഭാഗം പൂര്ണമായും തകര്ന്നു; ഡ്രൈവര് ഉറങ്ങിപ്പോയതാകാം അപകടകാരണമെന്ന് സൂചന
കേരളത്തെ അമ്പരപ്പിച്ച് മറ്റൊരു ബസ് അപകടം കൂടി. കൊച്ചി പാലാരിവട്ടം ചക്കരപ്പറമ്പില് കെ.എസ്.ആര്.ടി.സി ബസ് മരത്തിലിടിച്ച് ഒരാള് മരിച്ചു. 25 പേര്ക്ക് പരിക്കേറ്റു. ബസിന്റെ ഡ്രൈവറാണ് മരിച്ചത്. പരിക്കേറ്റവരില് ഒരാളുടെ നില ഗുരുതരമാണ്.
തിരുവനന്തപുരത്ത് നിന്ന് കോഴിക്കോട്ടേക്ക് പോകുകയായിരുന്ന സൂപ്പര് ഡീലക്സ് ബസാണ് അപകടത്തില് പെട്ടത്. പുലര്ച്ചെ നാലരയോടെയാണ് നാലുവരി പാതയുടെ വശത്തുള്ള മരത്തിലേക്ക് ബസ് ഇടിച്ചുകയറിയത്. അപകടത്തില് ബസിന്റെ മുന്ഭാഗം പൂര്ണമായും തകര്ന്നു. ഡ്രൈവര് ഉറങ്ങിപ്പോയതാകാം അപകടകാരണമെന്നാണ് പ്രാഥമികമായി ലഭിക്കുന്ന വിവരം.
ഇടിയുടെ ആഘാതത്തില് മരം കടപുഴകി. മരം മുറിച്ചുമാറ്റിയാണ് ഗതാഗതം പുന:സ്ഥാപിച്ചത്. അപകടത്തില് പെട്ടവരെ രണ്ട് സ്വകാര്യ ആശുപത്രികളിലായി പ്രവേശിപ്പിച്ചു. ഒരാളൊഴികെ മറ്റുള്ള യാത്രക്കാരുടെ പരിക്ക് ഗുരുതരമല്ല.
കെഎസ്ആര്ടിസി ഡ്രൈവറും തിരുവനന്തപുരം സ്വദേശിയുമായ അരുണ് സുകുമാര്(45) ആണ് മരിച്ചത്. കണ്ടക്ടറുടെ പരുക്ക് ഗുരുതരമാണ്. രക്ഷാപ്രവര്ത്തനം പൂര്ത്തിയായി.
അപകടത്തില് കെഎസ്ആര്ടിസി മാനേജ്മെന്റ് നടുക്കം രേഖപ്പെടുത്തിയിട്ടുണ്ട്. ലോക് ഡൗണിന് ശേഷം കെഎസ്ആര്ടിസി കര കയറി വരികയായിരുന്നു. അതിനിടെയാണ് അപകടം. അപകടത്തില് ബസിന്റെ മുന്ഭാഗം പൂര്ണമായും തകര്ന്നിട്ടുണ്ട്.
അതിനിടെ കോട്ടയത്ത് നിന്നും രക്ഷപ്പെടലിന്റെ ഓരു വാര്ത്തയും വരുന്നുണ്ട്. കാറിടിച്ച് റോഡില്വീണ് ബസിനടിയില് കുടുങ്ങിയ ബൈക്ക് യാത്രക്കാരന് അത്ഭുതകരമായി രക്ഷപ്പെട്ടു. നാട്ടകം സിമന്റ് കവലയില് കഴിഞ്ഞ ദിവസമാണ് സംഭവം നടന്നത്. അപകടത്തെത്തുടര്ന്ന് എം.സി.റോഡില് അരമണിക്കൂറോളം ഗതാഗതം മുടങ്ങി.
അതിവേഗത്തിലെത്തിയ കാറിടിച്ച് തെറിച്ച് റോഡില്വീണ ബൈക്ക് യാത്രക്കാരന് ബസിനടിയില് കുടുങ്ങിയത്. കോട്ടയത്തുനിന്ന് ഞാലിയാകുഴിക്കുപോയ 'ബേബിഗോമതി' ബസ് സിമന്റ് കവല ജങ്ഷനില് യാത്രക്കാരെ ഇറക്കിയശേഷം മുന്നോട്ടെടുക്കുന്നതിനിടെ മറികടക്കാന് ബൈക്ക് യാത്രക്കാരന് ശ്രമിക്കുകയായിരുന്നു. ഇതിനിടെ എതിര്ദിശയില് നിന്നെത്തിയ കാര് ബൈക്കിലിടിച്ചു. ബൈക്കും യാത്രക്കാരനും ബസിനടിയില് കുടുങ്ങി. ഡ്രൈവര് പെട്ടെന്ന് ബസ് നിര്ത്തിയതിനാല് ബൈക്ക് യാത്രക്കാരന് രക്ഷപ്പെട്ടു.
യാത്രക്കാര് ചേര്ന്ന് ബൈക്ക് യാത്രക്കാരനെ ആശുപത്രിയില് എത്തിച്ചു. കാര് കണ്ടെത്തുന്നതിനായി സി.സി.ടി.വി. ക്യാമറാ ദൃശ്യങ്ങള് പരിശോധിക്കുന്നുണ്ട്. എന്തായാലും ഈ യാത്രക്കാരന്റെ രക്ഷപ്പെടല് ചര്ച്ചയായിരിക്കുമ്പോഴാണ് കൊച്ചിയിലെ ഈ ബസ് അപകടം.
https://www.facebook.com/Malayalivartha