കാമുകന് പിന്നാലെ കാമുകിയും അഴിയെണ്ണും; കമിതാക്കൾ ചേര്‍ന്ന് പാരിപ്പള്ളിയില്‍ നിന്ന് വാന്‍ മോഷ്ടിച്ച സംഭവത്തില്‍ പത്തൊന്‍പതുകാരിയായ കാമുകിയെ പിടികൂടി, തമിഴ്നാട്ടില്‍ നിന്ന് മോഷ്ടിച്ച ബൈക്കില്‍ പാരിപ്പള്ളിയിലെത്തി വാന്‍ കടത്തി
കമിതാക്കൾ ചേര്‍ന്ന് പാരിപ്പള്ളിയില്‍ നിന്ന് വാന്‍ മോഷ്ടിച്ച സംഭവത്തില്‍ പത്തൊന്‍പതുകാരിയായ കാമുകിയെ പാരിപ്പള്ളി പൊലീസ് പിടികൂടി. അമ്പലപ്പുഴ ഫിനിഷിംഗ് പോയിന്റിന് സമീപം പനക്കംചിറ വീട്ടില്‍ ഷിന്‍സിയാണ് എറണാകുളത്ത് പനങ്ങാട് നിന്ന് പിടിയിലായത്. ഷിന്‍സിയുടെ കാമുകനും കൂട്ടുപ്രതിയുമായ വിനീത് പനങ്ങാട് നേരത്തേ തന്നെ പൊലീസിന്റെ പിടിയിലായിരുന്നു.
കഴിഞ്ഞ 16നാണ് പാരിപ്പള്ളിയിലെ വര്‍ക്ക് ഷോപ്പില്‍ നിന്ന് മാരുതി ഓംനി വാന്‍ ഇവര്‍ ഒരുമിച്ച് കടത്തിയത്. ഇത് മാത്രമല്ല, നിരവധി വാഹനമോഷണക്കേസുകളിലും, ആയുധംകാട്ടി പണം തട്ടിയ കേസിലും പ്രതികളായ ഇവര്‍ തമിഴ്നാട്ടില്‍ നിന്ന് മോഷ്ടിച്ച ബൈക്കില്‍ പാരിപ്പള്ളിയിലെത്തിയാണ് വാന്‍ കടത്തിയത്. വാനില്‍ സഞ്ചരിക്കവേ തിരുവല്ല ഭാഗത്ത് വച്ച്‌ കാല്‍നടയാത്രക്കാരെ ഭീഷണിപ്പെടുത്തി പണം തട്ടാന്‍ ശ്രമിക്കുകയും പിന്നീട് എറണാകുളത്തേക്ക് പോവുകയുണ്ടായി. പാരിപ്പള്ളി എസ്.എച്ച്‌.ഒ രൂപേഷ് രാജ്, എസ്.ഐമാരായ നൗഫല്‍, അനീസ എന്നിവര്‍ ചേര്‍ന്നാണ് പ്രതിയെ കയ്യോടെ പിടികൂടിയത്.
https://www.facebook.com/Malayalivartha
