ചക്കരയുടെ മോഷണം സ്ഥലം പത്രത്തില്‍ കാണുന്ന മരണവീടുകള്‍
പത്രത്തില്‍ കാണുന്ന മരണ വീടുകളില്‍ കയറി സ്വര്‍ണവും പണവും കവര്‍ച്ച നടത്തുന്നത് സ്ഥിരം തൊഴിലാക്കിയ ചക്കര അറസ്റ്റില്‍. അതിരമ്ബുഴ ഭാഗത്തെ ഒരു വീട്ടില്‍ മോഷണം നടന്ന കേസില്‍ പ്രത്യേക സംഘം നടത്തിയ അന്വേഷണത്തിലാണ് പിണ്ണാക്കനാട് കാളകെട്ടി അമ്ബാട്ട് ചക്കര എന്നുവിളിക്കുന്ന ഫ്രാന്‍സിനെ (38) അറസ്റ്റ് ചെയ്തത്.
പത്രവാര്‍ത്ത നോക്കി മരണവീടുകളില്‍ പരിചിതനെ പോലെ കയറിച്ചെല്ലുകയും ബന്ധുക്കള്‍ മാറുന്ന സമയത്ത് മോഷണം നടത്തി കടന്നു കളയുകയായിരുന്നു ഇയാളുടെ കവര്‍ച്ചാസ്‌റ്റൈല്‍. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. അതിരമ്ബുഴയില്‍ നിന്നും കവര്‍ന്ന സ്വര്‍ണാഭരണങ്ങള്‍ കോട്ടയത്തെ ഒരു ജ്വല്ലറിയില്‍ വില്‍പന നടത്തിയിരുന്നു. ഇത് പൊലീസ് കണ്ടെടുത്തു. ജില്ലാ പൊലീസ് മേധാവിയുടെ നിര്‍ദ്ദേശാനുസരണം ഡിവൈ.എസ്.പി. ആര്‍.ശ്രീകുമാറിന്റെ നേതൃത്വത്തില്‍ ഏറ്റുമാനൂര്‍ എസ്. എച്ച്. ഒ. രാജേഷ് കുമാര്‍, എസ്.ഐ മാരായ ദീപക്, ഷാജിമോന്‍, എ.എസ്.ഐ മാരായ പ്രദീപ്, തോമസ് ടി.വി, സി.പി.ഒ മാരായ സാബു മാത്യു, സ്മിജിത്ത് വാസവന്‍, രാജേഷ് ടി.പി എന്നിവരാണ് പ്രതിയെ പിടികൂടിയത്.
https://www.facebook.com/Malayalivartha
