മക്കളുടെ കൺമുന്നിൽ വച്ച് പൊള്ളലേറ്റ് മരിച്ച രാജന്‍- അമ്ബളി ദമ്ബതികളുടെ മൂത്ത മകന് ജോലി വാഗ്ദ്ധാനം ചെയ്‌ത് സിപിഎം. മൂത്ത മകന്‍ രാഹുലിന് നെല്ലിമൂട് സഹകരണ ബാങ്കില്‍ ജോലി നല്‍കുമെന്ന് നെയ്യാറ്റിന്‍കര എംഎല്‍എ ആന്‍സലന്‍ അറിയിക്കുകയുണ്ടായി. സംഭവത്തില്‍ ക്രൈം ബ്രാഞ്ച് അന്വേഷണം തുടങ്ങി . രാജനും അമ്ബിളിക്കും പൊള്ളലേല്‍ക്കാന്‍ കാരണം പൊലീസിന് പറ്റിയ വീഴ്ചയാണെന്നുയരുന്ന ആരോപണത്തെ കേന്ദ്രീക്കരിച്ചാണ് അന്വേഷണം പുരോഗമിക്കുന്നത് . സംഭവസ്ഥലം സന്ദര്‍ശിച്ച അന്വേഷണ സംഘം രാജന്റെ മക്കളുടെ മൊഴി രേഖപ്പെടുത്തുകയും ചെയ്തു .

ജപ്തി നടപടിയ്ക്ക് പൊലീസ് അനാവശ്യമായി തിടുക്കം കാണിച്ചുവെന്നും മക്കളുടെ ആരോപണത്തെ തുടർന്നാണ് ഈ നടപടി . പരാതിക്കാരിയായ വസന്തയ്ക്ക് പണം നല്‍കി ബോബി ചെമ്മണ്ണൂര്‍ ഭൂമി വാങ്ങിയതുമായി ബന്ധപ്പെട്ടുള്ള തര്‍ക്കവും ഇതുവരെ മാറിയിട്ടില്ല. ഭൂമി സര്‍ക്കാര്‍ മദ്ധ്യസ്ഥതയില്‍ കുട്ടികള്‍ക്ക് കൈമാറാനുള്ള ശ്രമത്തിലാണെന്നും, മുഖ്യമന്ത്രി പിണറായി വിജയനെ കണ്ട് ഇക്കര്യം ആവശ്യപ്പെടുമെന്നും ബോബി ചെമ്മണ്ണൂര്‍ വ്യക്തമാക്കുകയും ചെയ്തു .