പ്രശസ്ത തമിഴ് സാഹിത്യകാരന്‍ എ. മാധവന്‍ അന്തരിച്ചു. അദ്ദേഹത്തിന് 87 വയസ്സായിരുന്നു. വാര്‍ധക്യ സഹജമായ അസുഖത്തെ തുടര്‍ന്ന് തിരുവനന്തപുരത്തായിരുന്നു അന്ത്യം. കേരളത്തില്‍നിന്നുള്ള മികച്ച തമിഴ് എഴുത്തുകാരനായിരുന്നു അദ്ദേഹം. 25 ചെറുകഥകളും നോവലുകളും രചിച്ചിട്ടുണ്ട്. ചാല തെരുവില്‍ പാത്രക്കട നടത്തിയിരുന്ന മാധവന്റെ കഥാ പരിസരവും ചാലയും അതിന്റെ ചുറ്റുപാടുമായിരുന്നു. 2015ല്‍ കേന്ദ്ര സാഹിത്യ അക്കാദമി പുരസ്‌കാരം ലഭിച്ചു. തമിഴ്‌നാട് സര്‍ക്കാരിന്റെ കലൈമാമണി അവാര്‍ഡും ലഭിച്ചിട്ടുണ്ട്. സംസ്‌ക്കാരം ബുധനാഴ്ച രാവിലെ തൈക്കാട് ശാന്തികവാടത്തില്‍ നടക്കും.