അയല് വാസി ചീത്തപറഞ്ഞ് അവഹേളിച്ചുവെന്ന പരാതിയിൽ നടപടിയെടുത്തില്ല; പോലീസ് സ്റ്റേഷന് മുന്നിൽ കുത്തിയിരിപ്പുസമരം നടത്തി അമ്മയും മകളും
പേരാമ്പ്ര പോലീസ് സ്റ്റേഷന് മുന്വശത്ത് കുത്തിയിരിപ്പുസമരം നടത്തി അമ്മയും മകളും . വെള്ളിയാഴ്ച വൈകീട്ടാണ് സംഭവം .നൊച്ചാട് സ്വദേശിയായ 29-കാരിയും 10 വയസ്സുകാരിയായ മകളും ആണ് കുത്തിയിരിപ്പുസമരം നടത്തിയത് . അയല് വാസി ചീത്തപറഞ്ഞ് അവഹേളിച്ചുവെന്ന് നേരത്തേ നല്കിയ പരാതിയില് ഉചിതമായ നടപടിയുണ്ടാകുന്നില്ലെന്ന് ആരോപിച്ചായിരുന്നു പ്രതിഷേധം.
ഓഗസ്റ്റില് ഇതരസംസ്ഥാനത്തുനിന്ന് എത്തിയ സമീപവാസി ക്വാറന്റീനില് നിന്നില്ലെന്ന് ആരോഗ്യവിഭാഗത്തിന് പരാതി ലഭിച്ചതിന്റെ അടിസ്ഥാനത്തിലാണ് പ്രശ്നം തുടങ്ങിയതെന്നാണ് പറയുന്നത്. താനാണ് ഇക്കാര്യം അറിയിച്ചതെന്നു പറഞ്ഞാണ് മോശമായ പദപ്രയോഗങ്ങളുണ്ടായതെന്നാണ് യുവതിയുടെ പരാതി.
കേസ് നല്കിയതിനുശേഷവും ഇക്കാര്യം ആവര്ത്തിച്ചെന്നും സാമൂഹികമാധ്യമങ്ങളിലൂടെ അധിക്ഷേപം തുടരുകയാണെന്നും ഇവര് പറയുന്നു. ഇക്കാര്യത്തില് പോലീസ് ശക്തമായ നടപടി സ്വീകരിക്കണമെന്നാണ് ആവശ്യം. പോലീസ് നടത്തിയ ചര്ച്ചയെത്തുടര്ന്ന് പ്രതിഷേധം അവസാനിപ്പിച്ചു. അതേസമയം, പരാതിയില് പ്രതിയെ നേരത്തേ അറസ്റ്റുചെയ്ത് ജാമ്യത്തില് വിട്ടതാണെന്ന് പോലീസ് വിശദീകരിച്ചു .
https://www.facebook.com/Malayalivartha