സന്ധ്യയാകുമ്പോള്‍ വയോധിക തെറി വിളി തുടങ്ങും; പൊറുതിമുട്ടി നാട്ടുകാര്‍ പോലീസില്‍ പരാതി നല്‍കി; പക്ഷേ എന്തു ചെയ്യണമെന്നറിയാതെ പോലീസ്; വയോധിക വളര്‍ത്തുന്ന നായകള്‍ അയല്‍ക്കാരെ ആക്രമിക്കുന്നതായും പരാതി
വൈകുന്നേരം ആകുന്നതോടെ വയോധിക തെറിവിളി തുടങ്ങും. പിന്നെ പ്രദേശവാസികള്‍ക്ക് വീടിന് പുറത്തേക്കിറങ്ങാന്‍ കഴിയില്ല. വല്ലത്ത പ്രതിസന്ധിയിലാണ് മണ്ണഞ്ചേരി പഞ്ചായത്തിലെ 16-ാം വാര്‍ഡിന് പടിഞ്ഞാറ് ഭാഗത്ത് താമസിക്കുന്ന ഒരു കൂട്ടം വീട്ടുകാര്‍. അടുത്ത കാലത്താണ് ലീല എന്ന വയോധിക ഇവിടെ സ്ഥലം വാങ്ങി താമസം തുടങ്ങിയത്.
ഇവര്‍ വീട്ടില്‍ ഒറ്റക്കാണ് താമസിക്കുന്നത്. ഒരു മകനുണ്ടെങ്കിലും ഇയാളെ അവര്‍ വീട്ടില്‍ കയറ്റില്ല. വൈകുന്നേരം ആകുന്നതോടെ ഇവര്‍ തെറിവിളി തുടങ്ങും. അയല്‍വാസികള്‍ ആരുമായും അവര്‍ക്ക് നല്ല ബന്ധമില്ല. മാനസിക പ്രസ്‌നമുള്ളതായി സംശയിക്കുന്നുവെന്നാണ് നാട്ടുകാര്‍ പറയുന്നത്. പത്തോളം വളര്‍ത്തു നായകളെയും ഇവര്‍ വളര്‍ത്തുണ്ട്. ഇവയെ കെട്ടിയിടാതെയാണ് വളര്‍ത്തുന്നത്. കുട്ടികള്‍ വഴി നടക്കുമ്പോള്‍ നായകള്‍ ആക്രമിക്കുന്നത് സ്ഥിരം സംഭവമാണെന്നും നാട്ടുകാര്‍ ആരോപിക്കുന്നു. കൂടാതെ തെറിവിളി കാരണം കുട്ടികളെ പുറത്തിറക്കാന്‍ പോലും സാധിക്കുന്നില്ല. രാത്രി വൈകുവോണം ഇതു തന്നെയാണ് അവസ്ഥയെന്നും നാട്ടുകാര്‍ പറയുന്നു.
വയോധികയുടെ പ്രവര്‍ത്തികളില്‍ സഹിക്കെട്ട നാട്ടുകാര്‍ സംഘടിച്ച് 50 പേര്‍ ഒപ്പിട്ട് നിവേദനം തയ്യറാക്കി മണ്ണഞ്ചേരി പോലീസ് സ്റ്റേഷനില്‍ പരാതി നല്‍കിയെങ്കിലും നടപടി എടുക്കാന്‍ പോലീസ് തയ്യാറാകുന്നില്ല. വയോധികയും ഒറ്റക്ക് താമസിക്കുന്ന സ്ത്രീക്ക് മാനസി പ്രശ്‌നങ്ങള്‍ ഉണ്ടെങ്കില്‍ എന്തു നടപടിയാണ് തങ്ങള്‍ എടുക്കേണ്ടതെന്ന ആശങ്കയിലാണ് പോലീസ്. വയോധികയുടെ മകനെ ഇടപെടുത്താന്‍ നാട്ടുകാര്‍ ശ്രമിച്ചെങ്കിലും മകനുമായി സംസാരിക്കാന്‍ പോലും വയോധിക തയ്യാറാകുന്നില്ല. ഇതോടെ എന്തു ചെയ്യണമെന്നറിയാതെ നട്ടംതിരിയുകയാണ് നാട്ടുകാര്‍. പോലീസോ എന്തെങ്കിലും സംഘടനകളോ വിഷയത്തില്‍ ഇടപെട്ട് രമ്യമായ പരിഹാരം കാണമെന്നതാണ് നാട്ടുകാരുടെ ആവശ്യം.
https://www.facebook.com/Malayalivartha
