വയനാട്ടില് വിനോദസഞ്ചാരത്തിനെത്തിയ യുവതി കാട്ടാനയുടെ ആക്രമണത്തില് മരിച്ചു.... വന്യമൃഗങ്ങള് സ്ഥിരമായി ഇറങ്ങുന്ന പ്രദേശത്താണ് റിസോര്ട്ട്....
വയനാട്ടില് വിനോദസഞ്ചാരത്തിനെത്തിയ യുവതി കാട്ടാനായുടെ ആക്രമണത്തില് മരിച്ചു. കണ്ണൂര് ചേലേരി സ്വദേശി ഷഹാന (26) ആണ് മരിച്ചത്. മേപ്പാടി എളമ്പിലേരിയില് സ്വകാര്യ റിസോര്ട്ടിലെ ടെന്റിലെ താമസിക്കുമ്പോഴാണ് കാട്ടാന അക്രമിച്ചത്. പേരാമ്പ്രയിലെ ദാറു നുജൂം കോളജ് ഓഫ് ആര്ട്സ് ആന്റ് സയന്സിലെ സൈക്കോളജി വിഭാഗം അധ്യാപികയാണ് മരിച്ച ഷഹാന.
യുവതിയെ സ്വകാര്യ മെഡിക്കല് കോളേജ് ആശുപത്രിയിലെത്തിച്ചപ്പോഴേക്കും മരിച്ചിരുന്നു. രാത്രി എട്ടുമണിയോടെയാണ് സംഭവം ഉണ്ടായത്. ഷഹാനയോടൊപ്പം രണ്ടു പേരും ടെന്റില് താമസിക്കുന്നതിനായി റിസോര്ട്ടിലെത്തിയിരുന്നു.
മേപ്പാടി മേഖലയില് റിസോര്ട്ടുകള് ടെന്റുകളില് സഞ്ചാരികള്ക്ക് താമസ സൗകര്യമൊരുക്കുന്നത് ഈയിടെയായി വര്ധിച്ചു വന്നിട്ടുണ്ട്. സുരക്ഷിയൊരുക്കാതെയാണ് ഈ താമസമെന്നാണ് ആരോപണം.
അതേസമയം കാട്ടാനയുടെ ആക്രമണത്തില് കൊല്ലപ്പെട്ട കണ്ണൂര് സ്വദേശിനി ഷഹാനയുടെ മൃതദേഹം ഇന്ന് പോസ്റ്റ്മോര്ട്ടം നടപടികള് പൂര്ത്തിയാക്കി ബന്ധുക്കള്ക്ക് വിട്ടുകൊടുക്കും.മേപ്പാടി എളമ്ബിലേരിയിലെ സ്വകാര്യ റിസോര്ട്ടില് ടെന്റില് താമസിക്കുമ്പോഴാണ് കാട്ടാന ആക്രമിച്ചത്.
ഉടനെ വിംസ് മെഡിക്കല് കോളജിലെത്തിച്ചെങ്കിലും ജീവന് രക്ഷിക്കാനായില്ല. വനമേഖലയുമായി അതിര്ത്തി പങ്കിടുന്ന പ്രദേശമായതിനാല് ഇടക്കിടെ ഇവിടെ കാട്ടാന ഇറങ്ങാറുണ്ടെന്നാണ് സമീപവാസികള് പറയുന്നത്.
"
https://www.facebook.com/Malayalivartha
