62 ലക്ഷം രൂപയുമായി ബസ് യാത്രക്കാരൻ പിടിയിൽ. തൃശൂർ ദേശീയപാതയിൽ മുടിക്കോട് ഇന്ന് രാവിലെയായിരുന്നു സംഭവം നടന്നത്. കർണാടക സ്വദേശി ആണ് കസ്റ്റഡിയിലായത്.

നിയമസഭാ തിരഞ്ഞെടുപ്പിന് മുന്നോടിയായി എക്‌സൈസ് സ്‌ക്വാഡിന്റെ നേതൃത്വത്തിൽ സംസ്ഥാനത്തുടനീളം വാഹന പരിശോധന നടക്കുന്നുണ്ടായിരുന്നു. ഇതിനിടെയാണ് കർണാടക റോഡ് ട്രാൻസ്‌പോർട്ട് കോർപ്പറേഷന്റെ ബസിൽ നിന്ന്  ബസ് യാത്രക്കാരൻ പിടിയിലായത്.

കർണാടകയിലെ വസ്‌തു വിറ്റ് ലഭിച്ച പണമാണ് ഇതെന്നാണ് ഇയാൾ പൊലീസിനോ‌ട് പറഞ്ഞത്. കൊച്ചിയിൽ മറ്റൊരു വസ്‌തു വാങ്ങുന്നതിനായി അഡ്വാൻസ് നൽകുന്നതിനാണ് ഈ പണം കയ്യിൽ കരുതിയിരുന്നതെന്നും  യാത്രക്കാരൻ. എന്നാൽ, ഇതുമായി ബന്ധപ്പെട്ട യാതൊരു രേഖകളും പിടിക്കപ്പെട്ടയാളുടെ കൈവശം ഉണ്ടായിരുന്നില്ല. പിടിച്ചെടുത്ത പണം ആദായ നികുതി വകുപ്പിന് എക്‌സൈസ് സ്‌ക്വാഡ് കൈമാറി.